धरणगाव (प्रतिनिधी) येथील पी.आर. हायस्कूलमध्ये आज लोकमान्य टिळक यांची पुण्यतिथी व लोकशाहीर अण्णाभाऊ साठे यांच्या जयंतीनिमित्त गटवार वकृत्व स्पर्धा संपन्न झाल्या. या कार्यक्रमाचे अध्यक्ष शाळेचे मुख्याध्यापक डॉ. संजीवकुमार सोनवणे होते. तर प्रमुख अतिथी उपमूख्याध्यापक डॉ ए.सी. शिरसाठ मॅडम व पर्यवेक्षक के.आर वाघ होते.
या कार्यक्रमाचे सूत्रसंचालन इयत्ता नववीच्या विद्यार्थिनी कु.अवंती पिंपळगावकर व धनश्री कासार यांनी केले. वकृत्व स्पर्धा प्रमुख जी.आर. सूर्यवंशी व व्हि.एम.सोनवणे मॅडम हजर होते. परीक्षण एस.के. बेलदार, जी.यू. सोनवणे सर ,जी.पी. चौधरी सर, पी.जी. पाटील सर, आर.एम ठाकरे यांनी केले. डॉ सोनवणे सरांनी अध्यक्षीय भाषणातून दोन्ही विभूती विषयी सविस्तरपणे माहिती दिली. मान्यवरांची समयोपचित भाषणे झाली. स्वातंत्र्याचा धगधगता निखारा लोकमान्य टिळक व ये आझादी झुठी है अभी देशकि जनता भुखि है असे सांगणारे आन्नाभाउ साठे यांची महती सांगितली. इयत्ता 5-10 वी च्या जवळपास 115 विद्यार्थ्यांची विषयानुसार वकृत्व स्पर्धा झाली. कार्यक्रमाच्या यशस्विता यू.एस. बोरसे, व्हि.एच. चौधरी, डी.एस. पाटील, डॉ बी.डी शिरसाठ यांच्यासह शिक्षक व शिक्षकेतर वृंदचे सहकार्य लाभले.
