मुंबई (वृत्तसंस्था) विशेष सरकारी वकील प्रवीण चव्हाण यांची नार्को टेस्ट झाली पाहिजे, अशी मागणी भाजप आमदार राधाकृष्ण विखे पाटील यांनी केली आहे. तसेच प्रवीण चव्हाण काय आहे, कोणाच्या इशाऱ्यावर काम करत आहे, असंही ते म्हणाले.
प्रवीण चव्हाण यांची नार्को टेस्ट झाली पाहिजे
विशेष सरकारी वकील प्रवीण चव्हाण यांची नार्को टेस्ट केल्यास सर्व सत्य परिस्थिती समोर येईल, असे वक्तव्य भाजप आमदार राधाकृष्ण विखे-पाटील यांनी केले. प्रवीण चव्हाण काय आहे, कोणाच्या इशाऱ्यावर काम करत आहे. नगरच्या तत्कालीन पोलीस अधीक्षकांना विचारलं ते याबद्दल सांगू शकतील. प्रवीण चव्हाण यांची नार्को टेस्ट झाली पाहिजे, असे राधाकृष्ण विखे पाटील यांनी म्हटले.
देवेंद्र फडणवीस दबणार नाहीत – नवनीत राणा
तर दुसरीकडे खासदार नवनीत राणा यांनीही महाविकासआघाडीवर टीकास्त्र सोडले आहे. देवेंद्र फडणवीस यांची चौकशी करून कितीही दाबण्याचा प्रयत्न केला तरी ते ऐकणार नाहीत. एखादी गोष्ट जनतेच्या विरोधात जात असेल तर त्यावर आवाज उठवणे हे विरोधी पक्षनेता म्हणून देवेंद्र फडणीवस यांचे काम आहे, ते त्यांनी केले आहे. पण राज्य सरकार त्यांचीच चौकशी करत आहे. मात्र, यामुळे देवेंद्र फडणवीस दबणार नाहीत किंवा बोलायचे थांबणार नाहीत, असे नवनीत राणा यांनी म्हटले.
