बुलडाणा (वृत्तसंस्था) बुलडाण्यामध्ये भाविकांच्या गाडीला भीषण अपघात (Buldhana Accident) झाल्याची घटना समोर आली आहे. शेगावच्या गजानन महाराजांचे (Shegaon Gajanan Maharaj) दर्शन घेण्यासाठी जाणाऱ्या भाविकांच्या गाडीचा आणि ट्रकचा समोरासमोर भीषण (Bulero And Truck Accident) अपघात झाला. या अपघातामध्ये ५ भाविकांचा दुर्दैवी मृत्यू झाला तर चार जण गंभीर जखमी झाले आहेत.
शेगाव येथे गजानन महाराजांच्या दर्शनास जात असलेल्या भाविकांच्या वाहनास ट्रकची समोरासमोर जोरदार धडक बसली. या भीषण अपघातात पाच भाविक जागीच ठार झाले आहेत. तर चार जण जखमी झाले आहेत. देऊळगाव राजा येथील बायपास रस्त्यावर हा अपघात झाला. मृत भाविक हे जालना जिल्ह्यातील अंबड गावचे आहेत. अपघात एवढा भीषण होता की कारच्या पुढील भागाचा चक्काचूर झाला आहे.
