मुंबई (वृत्तसंस्था) गोरेगावच्या नेस्को सेंटरमध्ये भारतीय जनता पक्षाने उत्तरसभा घेतली आहे. याच सभेच्या माध्यमातून विरोधी पक्षनेते देवेंद्र फडणवीसांनी मुख्यमंत्री उद्धव ठाकरे यांना प्रत्युत्तर देत कडाडून टीका केलीय. पंतप्रधान नरेंद्र मोदीच देशाचा वाघ आहेत. असं वक्तव्य करत फडवीसांनी शिवसेनेला डिवचलं आहे.
फडणवीस भाजपच्या सभेत बोलताना म्हणाले, शिवसेनेची कालची सभा मास्टर सभा ण भाषण ऐकल्यानंतर लाफ्टर सभा असल्याचे कळलं. काल छत्रपती संभाजी महाराजांची जयंती होती, भगवान नरसिंह यांची जयंती होती,आम्हाला वाटले की तेजस्वी ऐकायला मिळेल पण लाफ्टर शो शेवटपर्यत संपला नाही. काल कौरवांची सभा झाली. आज पांडवांची होत आहे. अडीच वर्षात मुख्यमंत्र्यांनी एक देखील भाषण राज्याच्या विकासावर आणि लोकांच्या हितासाठी केले नाही. अशा शब्दात फडणवीस यांनी उद्धव ठाकरेंवर तोफ डागली आहे. तसंच शिवसेनेच्या शेरेबाजीचाही फडणवीसांनी उल्लेख केला. पण देशात आता एकच वाघ आहे. ते म्हणजे पंतप्रधान नरेंद्र मोदी. असं म्हणत फडवीसांनी शिवसेनेला डीवचलं आहे.
महाविकास आघाडी सरकारवर टीका करताना फडणवीस म्हणाले,मुंबईत कोविडचा भ्रष्टाचार झाला. मुंबईत कोविडमध्ये हत्या झाली की नाही ? मनसुख हिरेनची हत्या झाली की नाही ? गृहमंत्री जेलमध्ये गेलेत की नाही ? या सर्व गोष्टी होऊन मुख्यमंत्री यावर बोलले नाही. अडीच वर्षात यांनी एक देखील भाषण राज्याच्या विकासावर आणि लोकांच्या हितासाठी केले नाही. रवी राणा,नवनीत राणा नादान आहेत. बाळासाहेब ठाकरे यांनी असा विचार तरी केला होता की, त्यांच्या मुलाच्या राज्यात हनुमान चालीसा म्हणणे देशद्रोह होईल आणि औरंगजेबासाठी राज शिष्टाचार होतो. 24 महिन्यात 53 प्रॉपर्टी झाली आणि यशवंत जाधवने त्यांच्या मातोश्रीला 50 लाखाचे घड्याळ दिले.
