धरणगाव (प्रतिनिधी) मुख्यमंत्री एकनाथ शिंदे यांच्या पीएच्या नावाने शिवसेना सहसंपर्क प्रमुख गुलाबराव वाघ यांना दिलेल्या धमकीचा आज समस्त धरणगाव माळी समाज पंच मंडळाने जाहीर निषेध केला आहे.
मुख्यमंत्री एकनाथ शिंदे यांचा स्वीय सहाय्यक बोलत असल्याचे सांगत शिवसेना सहसंपर्कप्रमुख गुलाबराव वाघ यांना फोनवरून जीवे मारण्याची नुकतीच धमकी देण्यात आली होती. या धमकीचा धरणगाव माळी समाज पंच मंडळाचे अध्यक्ष व सदस्यांनी गुलाबराव वाघ यांची भेट घेऊन जाहीर निषेध केला आहे. यावेळी गुलाबराव वाघ यांना समाजाचा पाठींबा असून अशा धमक्यांना भिक घालू नये. समाजाचा प्रत्येक व्यक्ती हा समाजाचा एक महत्वाचा घटक असतो. यापुढे कोणत्याही परिस्थितीत अशी कृत्य समाजाच्या कोणत्याही व्यक्तीबद्दल ऐकून घेतली जाणार नाही. योग्यवेळी माळी समाज रस्त्यावर उतरल्या शिवाय राहणार नाही, अशा भावना समाज बांधवांनी व्यक्त केल्या. यावेळी माळी समाजाचे अध्यक्ष विठोबा माळी, उपाध्यक्ष निबांजी महाजन, राष्ट्रवादीचे ज्ञानेश्वर महाजन, सुकदेव महाजन, व्ही.टी माळी, दशरथ महाजन, रामकृष्ण महाजन, डीगंबर महाजन, हीरामण महाजन, ईश्वर महाजन, कैलास महाजन, आण्णा महाजन, विनोद महाजन आणि समाज बांधव उपस्थित होते.
