पुणे (वृत्तसंस्था) शहरातील एका मंडपाचे साहित्य असणाऱ्या गोडाउनला लागलेल्या भीषण आगीत तीन जणांचा मृत्यू झाला आहे. वाघोलीत शुक्रवारी रात्री ११.४५ वाजता आग लागली. या आगीत ४ सिलेंडर देखील फुटले असून आगीचे नेमके कारण अद्याप समजून आलेले नाहीय.
पुणे शहरातील वाघोलीत शुक्रवारी रात्री ११.४५ वाजता उबाळे नगरातील “शुभ सजावट” या मंडपाचे साहित्य असणाऱ्या गोडाउनला भीषण आग लागली होती. या आगीत ४ सिलेंडर देखील फुटले. गीनंतर त्वरीत पुणे येथील अग्नीशमन दलाच्या ५ तर पीएमआरडीए ४ अशी एकूण ९ अग्निशमन वाहने घटनास्थळी दाखल झाली. त्यानंतर अग्नीशमन दलाच्या जवानांना आगीवर नियंत्रण मिळवण्यात यश झाले. या भीषण आगीत दुर्देवाने तीन कामगारांचे मृतदेह आढळले आहेत. शेजारीच ४०० सिलेंडरने भरलेले गोडाऊन होते. परंतु योग्य वेळी आगीवर नियंत्रण मिळवल्यामुळे मोठा अनर्थ घडला टळला आहे. दरम्यान, ही आग कशामुळे लागली, हे कारण समजू शकले नाही.
