शेंदुर्णी ता. जामनेर (प्रतिनिधी) अप्पासाहेब र. भा. गरुड कनिष्ठ महाविद्यालयातील भूगोल विभागामधील प्रा. श्रावण गंगाधर डेहरकर यांचा सेवानिवु्त्तीनिमित्त सत्कार करण्यात आला. त्यांनी 2८ वर्ष सेवा केली. सेवानिवु्त्तीनिमित्त सेवापूर्ती सोहळा कोरोनाच्या पार्श्वभूमीवर सामाजिक अंतर राखून आणि मास्क, सॅनिटायझरचा वापर करुन, मोजक्याच मान्यवरांच्या उपस्थितीत झाला.
याप्रसंगी मान्यवरांच्या हस्ते प्रा. श्रावण डेहरकर आणि त्यांच्या पत्नी उषा डेहरकर यांचा सत्कार करण्यात आला. कार्यक्रमाच्या अध्यक्षस्थानी संस्थेचे सचिव सतीश काशीद होते. तर प्रमुख अतिथी म्हणून चेअरमन संजय गरुड, ज्येष्ठ संचालक सागरमल जैन, संचालिका उज्वला काशीद, सुधाकर बारी, संचालक यु. यु. पाटील, सुरेश साळीे उपस्थित होते. सतीश काशीद आणि संजय गरुड यांनी प्रा. श्रावण डेहरकर यांच्या कार्याचा गौरव केला. यावेळी सागरमल जैन, अँड. देवेंद्र पारळकर, डॉ. प्रशांत देशमुख, प्रा. निरुपमा वानखेडे, प्रा. व्ही. डी. पाटील, उपप्राचार्य आर. जी. पाटील, नागीनचंद संघवी, सुरेश साळी यांनी मनोगत व्यक्त केले. प्रास्ताविक प्राचार्य डॉ. व्ही. आर पाटील, सूत्रसंचालन प्रा. डॉ. योगिता चौधरी, प्रा. वर्षा लोखंडे यांनी केले. आभार प्रा. छाया पाटील यांनी मानले.
