नवी दिल्ली (वृत्तसंस्था) रिझर्व्ह बँक ऑफ इंडियाचे गव्हर्नर शक्तिकांत दास यांना कोरोनाची लागण झाली आहे. त्यांनी ट्विट करून याची माहिती दिलीय.
शक्तिकांत दास यांनी आपल्या ट्विटमध्ये म्हटले की, मला कोरोनाची लागण झाली आहे. एसीम्प्टोमॅटिक आहे. मला पूर्णपणे निरोगी वाटत आहे. माझ्या संपर्कात आलेल्यांना काळजी घ्यावी. मी घरातच क्वारंटाइन होऊन काम करत राहीन. आरबीआयचे काम पहिल्यासारखे सामान्य राहिल. मी व्हिडिओ कॉन्फरन्सिंग व टेलिफोनद्वारे माझे सर्व उप गव्हर्नर आणि इतर अधिकाऱ्यांशी जोडलेला राहील. दरम्यान, दुसरीकडे देशातील कोरोना रुग्णांची एकूण संख्या ७९ लाख पार झाली आहे. आतापर्यंत ७९ लाख ९ हजार ४९ लोक पॉझिटिव्ह आढळले आहेत. दिलासादायक बाब म्हणजे यातील ७१ लाख ३३ हजार ९९३ लोक बरे देखील झाले आहेत.
