नवी दिल्ली (वृत्त्संस्थ्गा) शनिवारी संध्याकाळी सोन्याने भावात (Gold Price) सर्व रेकॉर्ड तोडले आहेत. गेल्या महिन्यात 2 फेब्रुवारी रोजी सोन्याचा भाव 58,880 रुपये प्रति तोळा होता. हा रेकॉर्ड काल संध्याकाळी मोडला. येत्या आठवड्यात सोने 62,000 रुपयांच्या पुढे जाण्याची भीती व्यक्त करण्यात येत आहे.
फेब्रुवारी महिन्यात भावात, सोन्याने 58,880 रुपये तोळा तर चांदीने प्रति किलो 74,700 रुपये असा रेकॉर्ड केला होता. तर गेल्या आठवड्यात सोन्याने पुन्हा उसळी घेतल्यामुळे सोन्याचे भाव गगनाला भिडले. शनिवारी संध्याकाळी सोन्याने 60,000 हजार रुपयांचा टप्पा ओलांडला. तर काही ठिकाणी रविवारी भाव फलकावर सोन्याने 61,000 हजार असा आहे. सोन्यासोबतच चांदी देखील वधारली आहे. चांदीत गुरुवारी प्रति किलो 500 रुपयांची तेजी दिसून आली. चांदीचा भाव किलोमागे 69000 रुपये झाला. शुक्रवारी चांदीत किलोमागे 200 रुपयांची वाढ झाली, हा भाव 69,200 रुपये इतका झाला. शनिवारी चांदीत किलोमागे 600 रुपयांची वाढ झाली. 18 मार्च रोजी चांदीचा एक किलोचा भाव 69800 रुपये झाला. तर रविवारी चांदीत किलोमागे 2300 रुपयांची दरवाढ झाली. 19 मार्च रोजी चांदीचा भाव 72,100 रुपये किलो आहे. गुडरिटर्न्सने हे ताजा भाव जाहीर केले आहेत. प्रत्येक शहरात भावात स्थानिक कर, घडवणीचा खर्च यामुळे तफावत दिसून येत असते.
