मुंबई (वृत्तसंस्था) राज्य सामायिक प्रवेश परीक्षा सेल, महाराष्ट्रतर्फे राज्य कोट्यातील जागांसाठी NEET UG काउन्सिलिंग २०२१ (NEET Counselling 2021) नोंदणी प्रक्रिया सुरू झाली आहे. इच्छुक उमेदवार अधिकृत वेबसाइट info.mahacet.org/CAP2021/NEET_UG वर NEET UG काउन्सिलिंग ऑनलाइन नोंदणी करू शकता.
MBBS, BDS, BAMS, BHMS, BUMS, BPT, BOTH, BASLP, B (P&O), आणि BSc (नर्सिंग) या अभ्यासक्रमांसाठी महाराष्ट्र NEET काउन्सिलिंग आयोजित केले गेले आहे. महाराष्ट्र NEET ची तात्पुरती गुणवत्ता यादी ८ जानेवारी रोजी प्रसिद्ध होणार आहे. “महाराष्ट्र राज्यातील आरोग्य विज्ञान अभ्यासक्रमांच्या प्रवेश प्रक्रियेसाठी नोंदणी प्रक्रियेदरम्यान उमेदवाराची NEET ऑल इंडिया रँक आवश्यक असेल. ऑनलाइन नोंदणी प्रक्रियेदरम्यान फक्त NEET ऑल इंडिया रँक भरावी लागेल. इतर कोणत्याही रँकची नोंद केली जाणार नाही असं आयोगातर्फे सांगण्यात आले आहे. आरोग्य विज्ञान अभ्यासक्रमांच्या प्रवेशासाठी सर्व आवश्यक कागदपत्रे अपलोड करणे आणि ऑनलाइन प्रिफरन्स टाकण्याच्या सिस्टम्सशी समरस होणे ही उमेदवाराची एकमात्र जबाबदारी असेल, त्यामुळे विद्यार्थ्यांनी नीट काळजीपूर्वक नोंदणी करणे आवश्यक आहे.
ही कागदपत्रं आवश्यक
neet 2021 प्रवेशपत्र
mahacet.org वर भरलेल्या ऑनलाइन अर्जाची प्रत
neet मार्कशीट
राष्ट्रीयत्व प्रमाणपत्र
एचएससी गुणपत्रिका
वयाच्या पुराव्यासाठी SSC (वर्ग 10) प्रमाणपत्र
आधार कार्ड
अधिवास प्रमाणपत्र
वैद्यकीय फिटनेस प्रमाणपत्र
याशिवाय राखीव प्रवर्गातील उमेदवारांना जात प्रमाणपत्र आणि अधिवास प्रमाणपत्रासह काही कागदपत्रे सादर करावी लागतील. राज्य वैद्यकीय जागांसाठी ऑनलाइन अर्ज करण्याची अंतिम तारीख ५ जानेवारी २०२२ असणार आहे. मूळ आवश्यक कागदपत्रांच्या कलर स्कॅन केलेल्या प्रती अपलोड करण्याची शेवटची तारीख ६ जानेवारी २०२२ संध्याकाळी ५ वाजेपर्यंत असणार आहे.
