मुंबई (वृत्तसंस्था) मनसुख हिरेन मृत्यू प्रकरणामुळे सध्या अडचणीत आलेले सचिन वाझे यांचं पोलीस दलातून निलंबन करण्यात आलं आहे. यामुळे वाझेंच्या अडचणीत वाढ होण्याची शक्यता आहे.
सचिन वाझे याचे पोलीस दलातून पुन्हा एकदा निलंबन झाले आहे. सचिन वाझे सध्या एनआयएच्या कस्टडीत आहे. त्याला २५ मार्चपर्यंत कस्टडी आहे. अंबानी यांच्या घराजवळ स्फोटके सापडली. त्या केसमध्ये वाझे याला अटक झाली आहे. मुकेश अंबानी यांच्या घराजवळ स्कॉर्पिओ गाडीत स्फोटकं आढळून आल्यानंतर या प्रकरणाचा तपास सुरूवातील सचिन वाझे याच्याकडे सोपवण्यात आला होता. नंतर हे प्रकरण एनआयएकडे सोपवण्यात आलं आहे. अंबानींच्या घरासमोर जी स्कॉर्पिओ सापडलेली, ती कार मनसुख हिरेन यांच्या मालकीची होती. मात्र अचानक त्यांचा मृत्यू झाल्यानंतर हे प्रकरण आणखीनच चिघळलं.
शुक्रवारी सकाळीच वाझे यांनी अटकपूर्व जामिनासाठी कोर्टात अर्ज केला होता. शिवाय चौकशीसाठी वाझे सहकार्य करत असल्यानं त्यांना अटकेपासून संरक्षण मिळावं अशी विनंतीही वाझेंच्या वकिलांनी केलेली. मात्र न्यायालयाने हे अर्ज फेटाळले. शनिवारी चौकशीअंती रात्री उशिरा सचिन वाझेला एनआयएच्या पथकाने अटक केली. आणि न्यायालयासमोर त्यांना हजर केलेलं असता २५ मार्चपर्यंत कोठडी सुनावण्यात आली.
सध्या कोठडीत असलेल्या वाझे यांची एनआयएकडून चौकशी सुरू आहे. या प्रकरणाचा तपास सुरू असतानाच विशेष शाखेच्या अतिरिक्त पोलीस आयुक्तांनी त्यांच्या निलंबनाचे आदेश काढले आहेत. सचिन वाझे यांना एनआयएकडून अटक करण्यात आलेली. तसेच अटक करण्यात आल्यानंतर त्यांना निलंबित करण्याची मागणी केली जात होती. तर आता सचिन वाझे यांचं पोलीस दलातून निलंबन करण्यात आलं आहे.
