भुसावळ (प्रतिनिधी) बाजारपेठ पोलिस ठाण्यात अदखलपात्र गुन्हा दाखल केल्याच्या रागातून भुसावळातील बियाणी स्कूलच्या सचिव संगीता मनोज बियाणी उद्योजक मनोज बियाणींना ठार मारण्याची धमकी दिल्याप्रकरणी दोघांविरोधात गुन्हा दाखल करण्यात आला आहे.
शहरात ७ जून रोजी घडलेल्या या गुन्ह्याप्रकरणी भुसावळातील केदार सानप (रानातला महादेव मंदिर, भुसावळ) यांच्यासह अन्य एका अनोळखीविरोधात बाजारपेठ पोलिसात बुधवारी गुन्हा दाखल करण्यात आल्याने राजकीय वर्तुळात प्रचंड खळबळ उडाली आहे. भ्रष्टाचार बाहेर काढल्यानेच विरोधात गुन्हा केदार सानप बियाणी परिवारातील भ्रष्टाचाराची प्रकरणे बाहेर काढल्याने कट कारस्थान करून आपल्याविरोधात खोटा गुन्हा दाखल करण्यात आल्याचा दावा भुसावळातील माहिती अधिकार कार्यकर्ते केदार सानप यांनी केला आहे.
शहरातील जामनेर रोडवरील साई पॅलेसमध्ये त्यांनी गुरुवारी दुपारी माध्यमांशी संवाद साधला. सानप म्हणाले की, मुळात असा कुठलाही प्रकार घडलेलाच नाही, केवळ खोटा गुन्हा दाखल करून आपला आवाज दाबण्याचा हा प्रयत्न आहे. पोलिसांनी घटनास्थळी जावून चौकशी करावी, जेणेकरून सत्य समोर येईल, असे ही त्यांनी स्पष्ट केले.
