मुंबई (वृत्तसंस्था) शिवसेना नेते खासदार संजय राऊत यांच्यावर गुरुवारी लीलावती रुग्णालयात अँजिओप्लास्टी शस्त्रक्रिया पूर्ण झाली आहे. यावेळी दोन स्टेन त्यांच्या ह्रदयात टाकण्यात आले असल्याची माहिती डॉक्टरांकडून देण्यात आली आहे.
शिवसेना नेते खासदार संजय राऊत यांच्यावर गुरुवारी लिलावती रुग्णालयात अँजिओप्लास्टी शस्त्रक्रिया झाली. त्यांच्या हृदयात दोन स्टेन टाकण्यात आल्या असून, आता त्यांची प्रकृती स्थिर आहे. गेल्या वर्षी नोव्हेंबरमध्ये झालेल्या अँजिओप्लास्टीवेळी तीन स्टेन टाकण्यात आले होते. त्यातील एक स्टेन खराब झाला होता. त्यामुळे डॉक्टरांनी तो काढून त्याजागी नवा स्टेन टाकला. डॉ. मॅथ्यू आणि डॉ अजित मेनन यांनी ही शस्त्रक्रिया केल्याची माहिती शिवसेना सचिव मिलिंद नार्वेकर यांनी दिली. संजय राऊत यांची प्रकृती आता स्थिर असून, सध्या ते आयसीयूमध्ये आहेत. त्यांना आज, शुक्रवारी दुपारी आयसीतून साधारण वॉर्डमध्ये आणण्यात येईल. आणखी तीन ते चार दिवस संजय राऊत हे डॉक्टरांच्या देखरेखीखाली लिलावती रुग्णालयात राहणार आहेत. गेल्या वर्षी नोव्हेंबर महिन्यात संजय राऊत यांच्यावर हृदयात दोन स्टेन घालण्यात आल्या होत्या. त्यानंतर आणखी स्टेन टाकावे लागणार होते. त्यासाठी एप्रिल २०२० ही नियोजित वेळ होती. पण कोव्हिड प्रादुर्भावामुळे ही शस्त्रक्रिया पुढे ढकलण्यात आली होती. डॉ. मॅथ्यू हे प्रसिद्ध हृदयविकार तज्ज्ञ आहेत. डॉ. अजित मेनन हे सुद्धा मुंबईस्थित हृदयविकार तज्ज्ञ आहेत. यापूर्वीही डॉ. मॅथ्यू आणि डॉ. मेनन यांनीच संजय राऊत यांच्यावर अँजिओप्लास्टी शस्त्रक्रिया केली होती.
