जळगाव (प्रतिनिधी) रात्री जेवण केल्यानंतर शौचास गेलेल्या एका २२ वर्षीय तरुणाचा शुक्रवारी रात्री निर्घृण खून झाल्याचा प्रकार उघडकीस आल्यानंतर प्रचंड खळबळ उडाली आहे. आशिष प्रकाश शिरसाळे (वय २३ रा. शनी नगर बांभोरी), असे मयत तरुणाचे नाव आहे.
या संदर्भात पोलिस सूत्रांनी दिलेली माहिती अशी की, जळगाव शहरा पासून जवळ बांभोरी येथील आशिष शिरसाळे हा तरुण शुक्रवारी रात्री नेहमी प्रमाणे जेवण करून शौचास गेले होता. या ठिकाणी अज्ञात व्यक्तीने त्याच्या डोक्यावर धारदार शस्त्राने वार करून निर्घृण केला. घटनेची महती मिळताच घटनास्थळी उपविभागीय अधिकारी ऋषिकेश रावले, स्थानिक गुन्हे शाखेचे पोलीस निरीक्षक किसनराव नजन-पाटील, धरणगाव पोलीस स्थानकाचे पोलीस निरीक्षक उद्धव ढमाळे यांच्यासह पाळधी पोस्टचे पोलीस कर्मचारी दाखल झाले होते.
दरम्यान, या प्रकरणी रात्री उशिरा धरणगाव पोलिसात अज्ञात व्यक्तीविरुद्ध खुनाचा गुन्हा दाखल करण्यात आला आहे. तर पोलिसांनी घटनास्थळावरून काही महत्वपूर्ण पुरावे गोळा केले आहेत. मयतआशिष याच्या घरची परिस्थिती गरिबीची होती. तसेच तो कुणाच्याही देण्यात घेण्यात नसल्याचीही माहिती पोलीस सूत्रांनी दिली आहे.
(बातमी अपडेट होत आहे)
