पिंपरी (वृत्तसंस्था) घरात एकटी असलेल्या १३ वर्षीय मुलीवर लैंगिक अत्याचार केल्याप्रकरणी तरुणाला अटक करण्यात आली आहे. शिवा किसन राठोड (वय २१, रा. सुसगाव, ता. मुळशी), असे अटक केलेल्या आरोपीचे नाव आहे. आरोपी दोन महिन्यांपासून पीडित अल्पवयीन मुलीवर अत्याचार करत होता.
घरात एकटी असलेल्या १३ वर्षीय मुलीवर लैंगिक अत्याचार केल्याची घटना १२ जानेवारी २०२२ रोजी रात्री साडेआठ ते साडेनऊ या कालावधीत तसेच डिसेंबर २०२१ ते जानेवारी २०२२ या कालावधीत घडली. याप्रकरणी पीडित अल्पवयीन मुलीच्या आईने शनिवारी (दि. १५) पोलीस ठाण्यात फिर्याद दिली.
पोलिसांनी दिलेल्या माहितीनुसार, फिर्यादी महिलेची अल्पवयीन मुलगी घरामध्ये एकटी असताना आरोपीने तिच्याशी शारीरिक संबंध केले. गेल्या दोन महिन्यांपासून वारंवार लैंगिक अत्याचार केले. हा प्रकार उघडकीस आल्यानंतर अल्पवयीन मुलीच्या आईने पोलिसांकडे धाव घेतली. त्यानुसार पोलिसांनी गुन्हा दाखल करून आरोपी तरुणाला अटक केली.
