पारोळा (प्रतिनिधी) तालुक्यातील एका गावातील तरुणी मतीमंद असल्याचा फायदा घेत तिचे लैंगिक शोषण करून गर्भवती करणाऱ्या तरूणाविरुद्ध गुन्हा दाखल करण्यात आला आहे. जीवन बापू पाटील असे गुन्हा दाखल करण्यात आलेल्या संशयीत आरोपीचे नाव आहे.
या संदर्भात अधिक असे की, पिडीत तरुणी 26 वर्षाची असून ती मतीमंद आहे. पिडीत तरुणी मतीमंद तसेच अनुसुचीत जमातीची असल्याचे माहिती असतांना देखील जीवन पाटील याने पिडीतेसोबत गेल्या चार महिन्यापासून शरीरसंबंध प्रस्थापीत करुन तिला 17 आठवड्यांची गर्भवती केले. त्यानंतर एकेदिवशी जीवन पाटील पिडीतेसोबत बघितल्या नंतर त्याने तेथून पळ काढला. यानंतर पिडीतेच्या बहिणीने या प्रकरणी फिर्याद दाखल केली.
त्यानुसार तरुणी मतीमंद असल्याचा गैरफायदा घेत गेल्या चार महिन्यापासून तिच्यासोबत शरीरसंबंध निर्माण करणा-या जीवन पाटील विरुद्ध पारोळा पोलिस स्टेशनला बलात्कारासह अनुसुचीत जाती जमाती अत्याचार प्रतिबंधक कायद्यानुसार गुन्हा दाखल करण्यात आला आहे. याप्रकरणी दाखल गुन्ह्याचा पुढील तपास उप विभागीय पोलिस अधिकारी सुनिल नंदवाळकर हे करत आहेत.
