धरणगाव (प्रतिनिधी) येथील कला, वाणिज्य आणी विज्ञान वरिष्ठ महाविद्यालयातील अर्थशास्त्र विभागामार्फत दि 5 ऑक्टोबर 2023रोजी बीए तृतीय वर्ष, वाणिज्य प्रथम द्वितीय वर्षातील बॅकींग विषयाच्या सर्व विद्यार्थांना बॅक ऑफ महाराष्ट्र शाखा धरणगाव येथे प्रत्यक्षरित्या बॅकेत कसे कार्य चालते? याची माहिती मिळावी यासाठी प्रा डाॅ ज्योती महाजन यांनी शाखा व्यवस्थापक दिनेश मासूले यांची पूर्व परवानगी काढून विद्यार्थ्यांना बॅकेची व तेथील कर्मचारी यांची भेट घडवून आणली.
यावेळी उपशाखाधिकारी हर्षल पाटील व कॅशीअर सोमनाथ पाटील यांनी कर्ज कसे घेतले जाते व्याजाचे दर, स्लीप कशी भरावी, केवायसी, नेट बॅकींग, एटीएम, आरटीजीएस का केले जाते?, यासंदर्भात सखोल मार्गदर्शन केले. सुकन्या योजना, पीपीएफ, महीला सन्मान योजना यांच्या विषयी माहीती दिली व बॅकेत रोजगार मिळवण्यासाठी चे मार्ग, त्यासाठी कोणते फाॅम भरावे याचे मार्गदर्शन केले व विद्यार्थ्यांच्या प्रश्नांची उत्तरे दिली.
तसेच याच काॅलेजची विद्यार्थिनी भारती कुशल महाराष्ट्र बॅकेत नोकरी करते, तीनेही आपले अनुभव विद्यार्थ्यांना सांगितले. प्रा डाॅ ज्योती महाजन यांनी शाखा व्यवस्थापक व सर्व कर्मचारी वर्गाचे अभार व्यक्त केले .कार्यक्रमाच्या यशस्वीतेसाठी महाविद्यालयाचे अर्थशास्त्र विभाग प्रमुख प्रा डाॅ विजयानंद वारडे सर,प्राचार्य प्रा डाॅ. संजय शिंगाने सर यांचे मार्गदर्शन लाभले. तर प्रा. योगेश पाटील सर व प्रा.खाटीक सर यांचे सहकार्य लाभले.
