चाळीसगाव (प्रतिनिधी) शिवसेनेच्या चाळीसगाव विभागातील महिला आघाडी पदाधिकाऱ्यांनी पक्ष शिस्त विरोधी कारवाया केल्याच्या कारणावरून पक्षाच्या वरिष्ठांच्या आदेशानुसार शिवसेना जिल्हाप्रमुख डॉक्टर हर्षल माने तसेच महिला आघाडी जिल्हाप्रमुख महानंदाताई पाटील यांनी एका पत्राद्वारे चाळीसगाव विभागातील संपूर्ण महिला आघाडी कार्यकारिणी बरखास्त केली आहे.
या पत्रात आपण पक्षाच्या पदाधिकाऱ्यांन विरोधात पत्रक काढून सोशल मीडियावर टाकून तसेच वृत्तपत्रात बातमी देऊन पक्षाची शिस्त मोडली असल्याकारणाने आपणास वरिष्ठांच्या आदेशाने बडतर्फ करण्यात येत असल्याचे डॉक्टर हर्षल माने जिल्हा प्रमुख शिवसेना महानंदा ताई पाटील महिला आघाडी जिल्हा प्रमूख यांनी कळवीले आहे.
