रायपूर (वृत्तसंस्था) छत्तीसगडमध्ये भटक्या कुत्र्यांनी केलेल्या हल्ल्यात पाच वर्षांच्या एका मुलीला आपला जीव गमवावा लागला आहे. शुक्रवारी सकाळी वैकुंठपूर येथे मार्गदर्शन शाळेच्या जवळ ही घटना घडली.
पाच वर्षाची सुकंती सकाळी 8 वाजता शौचास गेली होती. याचवेळी भटक्या कुत्र्यांनी तिच्यावर हल्ला केला. भेदरलेली मुलगी या भटक्या कुत्र्यांपासून आपला बचाव करू शकली नाही. त्यामुळे बालिका कुत्र्यांच्या या हल्ल्यात गंभीर जखमी झाली. या घटनेची माहिती मिळताच पोलिसांनी घटनास्थळी धाव घेतली. यानंतर पोलिसांनी घटनास्थळाची पाहणी करत माहिती जाणून घेतली. प्राथमिक तपासात भटक्या कुत्र्यांनी केलेल्या हल्ल्यात मुलीने जीव गमावल्याचे समोर आले.
