औरंगाबाद (वृत्तसंस्था) औरंगाबाद शहर पोलीस दलातील सहायक पोलीस आयुक्त (ACP – Assistant Commissioner of Police) विशाल ढुमे (ACP Vishal Dhume) यांच्यावर शहरातील सिटी चौक पोलिसांत गुन्हा दाखल करण्यात आला आहे. दारूच्या नशेत घरात घुसून महिलेची छेडछाड केल्याच्या ढुमे यांच्यावर आरोप आहे. यामुळे पोलीस दलात प्रचंड खळबळ उडाली आहे. (Aurangabad Police)
एसीपी विशाल ढुमे (Vishal Dhume) हे रात्री एका हॉटेलमध्ये दारू पिण्यासाठी गेले होते. याचवेळी त्यांच्या ओळखीचा एक मित्रही आपल्या पत्नीसोबत तिथे आले होते. त्यामुळे दोघांची भेट झाली. मात्र याचवेळी आपल्याकडे गाडी नसल्याने मला लिफ्ट मिळेल का? अशी विनंती ढुमे यांनी आपल्या मित्राकडे केली. त्यामुळे मित्राने देखील होकार दिला आणि त्यांना आपल्या गाडीत बसवले. गाडीत बसल्यावर मागच्या सीटवर बसलेल्या ढुमे यांनी दारूच्या नशेत गाडीतच महिलेची छेड काढायला सुरुवात केली. महिलेच्या पाठीवरून हात फिरवायला सुरुवात केली. त्यानंतर पुढे आल्यावर मला वॉशरूमला जायचे असून, तुमच्या घरी घेऊन चला, अशी पुन्हा मित्राला विनंती केली. तर घरी पोहचल्यावर तुमच्या बेडरूम मधला वॉशरूम मला वापरायचा आहे म्हणत वॉशरूम वापरण्याची परवानगी मागितली. पण तिथेही महिलेची छेडछाड केली. याप्रकरणी संबंधित महिला व तिच्या पतीने छेडछाड आणि मारहाण प्रकरणी संबंधित अधिकाऱ्याविरोधात फिर्याद दिली आहे.
