नवी मुंबई (वृत्तसंस्था) नेरुळ (Nerul) मधील एका घरात स्वयंपाकी म्हणून काम करणाऱ्या बापानेच आपल्याच अल्पवयीन मुलीवर लैंगिक अत्याचार केल्याची धक्कादायक घटना घडली आहे. अशोक चौधरी या नराधम बापाने आपल्याच 16 वर्षीय अल्पवयीन मुलीवर गेल्या एक वर्षांपासून जबरदस्तीने शारीरिक संबंध प्रस्थापित केले होते.
गेल्या 20 वर्षांपासून आरोपी अशोक चौधरी हा स्वयंपाकी म्हणून कामाला होता. मुलगी त्याच्यासोबत राहत होती. सोमवारीच्या रात्री 3 वाजताच्या सुमारास अचानक मालकीण उठली असता आरोपीला दिलेल्या खोलीमधून संशयास्पद आवाज आला. त्यावेळी त्यांनी जाऊन बघितले असता हा संपूर्ण प्रकार लक्षात आला. बापाला जाब विचारलाय गेली असता काहीही न बोलता नराधम बाप घरातून पसार झाला. मंगळवारी सकाळी महिला मुलीला घेऊन नेरूळ पोलीस ठाण्यात दाखल झाली आणि बापाविरोधात तक्रार दिली. तक्रार दाखल केल्यानंतर पोलिसांनी मुलीच्या कागदपत्रांची चौकशी करून ती अल्पवयीन असल्याचे निदर्शनात आल्यानंतर वडील अशोक चौधरी विरोधात पोक्सो अंतर्गत गुन्हा दाखल केला. अशोक चौधरी याला गुन्हा दाखल झाल्याची चुणूक लागताच तो पसार झाला असून या फरार बापाचा शोध पोलीस घेत आहेत.
दरम्यान, मुलीला विचारणा केली असता तिने हा प्रकार वर्ष भरापासून चालू असल्याचे सांगितले. तसंच, कुणाला बोलल्यास मारून टाकण्याची धमकी बापाने दिली होती, असंही तिने सांगितले.