जळगाव (प्रतिनिधी) घरातील मोलकरणीवर घरमालकाने बलात्कार केल्याची धक्कादायक घटना उघडकीस आली आहे. याप्रकरणी जळगाव एमआयडीसी पोलिसात एकाविरुद्ध गुन्हा दाखल करण्यात आला आहे. प्रकाश पुंडलिक पाटील (रा. पहूर ता. जामनेर) असे गुन्हा दाखल झालेल्या संशयित आरोपीचे नाव आहे.
या संदर्भात ४८ वर्षीय पिडीत महिलेने फिर्याद दिली आहे. दि. १३ नोव्हेंबर रोजी सायंकाळी ५ वाजेच्या सुमारास पिडीता घरात फरची पुसण्याचे काम करीत असतांना अचानकपणे प्रकाश पाटील हा मागून आला व त्याने पिडीतेला मागून पकडुन जोरात मिठी मारली. पिडीतेने विरोध केला असता जबरदस्ती तोंड दाबून जीवे ठार मारण्याची धमकी देत बलात्कार केला. तसेच याबाबत कुणाला सांगितले तर तुला व तुझ्या मुलाला जिवंत ठेवणार नाही, अशी पुन्हा जिवे ठार मारण्याची धमकी दिली आहे. याप्रकरणी प्रकाश पाटील विरुद्ध गुन्हा दाखल करण्यात आला असून पुढील तपास सपोनि प्रमोद कठोरे हे करीत आहेत.
