लंडन (वृत्तसंस्था) रात्री लैंगिक संबंध आणि सकाळीच प्रेग्नंट होणं हे तुम्हाला वाचायलाही थोडं विचित्र वाचत असेल. पण इंग्लंडमधील महिलेच्या बाबतीत असं घडलं आहे. ही महिला रात्री आपल्या नवऱ्यासोबत शारीरिक संबंध ठेवायची. त्यानंतर तिच्या पोटात तीव्र वेदना व्हाययच्या आणि सकाळी तिचं पोट प्रेग्नंट महिलेसारखं मोठं व्हायचं. असं तिच्यासोबत नेहमी घडायचं. यामागील कारण समजलं तेव्हा तिच्या पायाखालची जमीनच सरकली.
इंग्लंडमधील डेव्हॉनमध्ये राहणाऱ्या या महिलेचं नाव केटी सिम्स असं आहे. ही ३२ वर्षीय महिला शरीरात होणाऱ्या बदलांमुळे त्रस्त होती. शारिरीक संबंध ठेवताच तिचं पोट वाढायचं. सर्वांनाच ती गरोदर असल्याचा भास होत असे. सेक्शुअल अॅक्टव्हिटीमुळे पोटात वेदना होत असतील असा तिचा समज होता. परंतु हा प्रकार वारंवार घडत असल्यामुळे अखेर तिने स्वत:ची वैद्यकिय चाचणी करून घेतली. अन् त्यावेळी हा भलताच प्रकार असल्याचं समोर आलं.
डॉक्टरांनी केटीच्या पोटाचं स्कॅन केलं. त्यावेळी धक्कादायक बाब समोर आली. केटीच्या पोटामध्ये १० सेंटीमीटर आकाराची एक गाठ होती. जिचं रुपांतर नंतर कॅन्सरमध्ये होऊ शकलं असतं. जेव्हा केटी पतीसोबत लैंगिक संबंध ठेवायची तेव्हा तिच्या पोटातील गाठीवर ताब पडत असे. अन् त्यामुळे आतड्यांना सुज यायची आणि प्रचंड वेदना जाणवायच्या. अखेर शस्त्रक्रिया करून केटीच्या पोटातील गाठ काढण्यात आली. हा अनोखा अनुभव तिने एका टिक-टॉक व्हिडीओद्वारे शेअर केला आहे.
