रावेर (प्रतिनिधी) एका २५ वर्षीय तरुणीला नाश्त्यात गुंगीचे औषध देऊन २ लाख रुपयाला लग्न करण्याच्या उद्देशाने विक्रीसाठी पळवून नेल्याची धक्कादायक घटना उघडकीस आली आहे. एवढेच नाहीतर पिडीत तरुणीचे जबरदस्तीने लग्न करून डांबून ठेवत तिच्यावर अत्याचार करण्यात आला. याप्रकरणी रावेर पोलीस स्थानकात आठ जणांविरुद्ध गुन्हा दाखल करण्यात आला आहे.
यासंदर्भात अधिक असे की, दोन अनोळखी महिलांनी 25 वर्षीय तरुणीला नाश्त्यामधून गुंगीचे औषध घालून बेशुद्ध केले. त्यानंतर लग्न करण्याच्या उद्देशाने दोन लाख रुपयाला विक्री करून पळून नेले. यानंतर पीडितेच्या मनाविरुद्ध राकेश भगीरथ वर्मा याने पीडितेनेसोबत लग्न करून पीडितेने सोबत जबरदस्तीने वारंवार शारीरिक संबंध प्रस्थापित केले. तसेच पीडितेची सासु शामू भगीरथ वर्मा, सासरे भगीरथ वर्मा, दीर कमल भगीरथ वर्मा, दिनेश भगिरथ वर्मा व विवाहित ननंद तेजू यांनी पीडितेला संगनमताने डांबून ठेवून चापटा बुक्क्यांनी मारहाण केली. याप्रकरणी पीडितेच्या फिर्यादीवरून, रावेर पोलीस स्थानकात आठ जणांविरुद्ध गुन्हा दाखल करण्यात आला आहे. तसेच पुढील तपास फैजपूर विभागाचे पोलीस उपअधीक्षक कुणाल सोनवणे हे करीत आहेत.
