धुळे (प्रतिनिधी) शिरपूर (Shirpur) तालुक्यातील निमझरी ते सामर्यापाडा रस्त्यालगत निमझरी शिवारात झाडाखाली तरुणाचा दगडाने ठेचून खून करण्यात आला आहे. घटनेची माहिती मिळताच घटनास्थळी पोलीस पथकासह श्वान पथक, फॉरेन्सिक पथक दाखल झाले असून या खुनाचा (Crime) पंचनामा सुरु आहे.
शिरपूर तालुक्यातील निमझरी ते सामर्यापाडा रस्त्यालगत निमझरी शिवारात पडश्याचा झाडाखाली सामऱ्यापाडा येथील संजय बोंग्या पावरा (वय ३१) या तरुणाचा आज सकाळी मृतदेह आढळून आला. घटनास्थळ जवळील रस्त्यावर मयत संजय पावरा याची मोटारसायकल व चप्पल मिळुन आली आहे. घटनेची माहिती प्राप्त होताच घटनास्थळी शिरपूर शहर पोलीस स्टेशनचे पोलीस अधिकारी व कर्मचारी शोध पथकासह दाखल झाले. घटनास्थळी रक्त लागलेले दगडे मिळुन आले आहेत. पुढील तपास पोलीसांकडून सुरु असून खूनाचे कारण अद्याप समजू शकलेले नाही.
