मलकापूर (प्रतिनिधी) श्रीराम पाटील हे शेतकरी कुंटूबातील, विकासकामे करणाण्याचा आपल्याला पूर्ण विश्वास असल्याचे प्रतिपादन आमदार राजेश एकडे यांनी महाविकास आघाडीचे उमेदवार उमेदवार श्रीराम पाटील यांच्या प्रचार दौऱ्याप्रसंगी केले. तसेच श्रीराम पाटील यांना विजयी करा, असे आवाहन देखील त्यांनी यावेळी मतदारांना केले.
मलकापूर तालुक्यातील भालेगाव , रणगांव, हिंगणा काझी, देवधाबा, खामखेड रेल्वे, नरवेल व धरणगाव या गावात उमेदवार श्रीराम पाटील यांनी प्रचारावेळी नागरिकांच्या भेटी घेतल्या. या गावातील प्रश्न व समस्या समजून घेत त्या सोडविण्याचे आश्वासन त्यांनी दिले. यावेळी मलकापूर मतदार संघाचे आमदार राजेश एकडे, काँग्रेसचे ज्येष्ठ नेते अरविंद कोलते, अॅड. मोरे, माजी नगराध्यक्ष हरीश रावळ, रशीद खा जमादार राष्ट्रवादी संघटक मोहन पाटील, राष्ट्रवादी काँग्रेस शरदचंद्र पवार पक्षाचे संतोष रायपुरे, शिवसेना संघटक राजेश सिंग राजपूत, काँग्रेसच्या महिला जिल्हाध्यक्ष मंगला पाटील, राष्ट्रवादी काँग्रेसच्या महिला जिल्हाध्यक्ष वनिता गायकवाड, वंदना पाटील, काँग्रेसच्या तालुकाध्यक्ष प्रीती भगत यासह या गावांमधील ग्रामस्थ तसेच महाविकास आघाडीतील सर्व घटक पक्षातील पदाधिकारी व कार्यकर्ते उपस्थित होते.
