जळगाव (प्रतिनिधी) मुख्यमंत्री पदासाठी गिरीश महाजन (Girish Mahajan) सर्व निकषांमध्ये बसत असतील तर माझा त्यांना पाठिंबा असेल, अशा आशयाचं विधान राष्ट्रवादीचे नेते एकनाथराव खडसे (Eknath Khadse) यांनी केलं आहे. माझा खानदेश सुजलाम सुफलाम् झाला पाहिजे, येथील मंजूर झालेले प्रकल्प पूर्ण व्हायला हवेत. हे काम करून देणारा माझा कट्टर शत्रू असला तर माझा त्याला पाठिंबा असेल, असं वक्तव्य खडसे यांनी केलं. ते जळगाव येथे प्रसारमाध्यमांशी बोलत होते. (Kahadse Support For Girish Mahajan For CM Post)
खडसे म्हणाले की, सुरेशदादा जैन हे मुख्यमंत्री व्हावे यासाठी आपण शिवसेना प्रमुख बाळासाहेब ठाकरे यांची भेट घेतली होती. मुख्यमंत्री कार्यक्षम असावा, दुरदृष्टी असावी, या निकषात बसणारा माणूस हवाय. या निकषात गिरीशभाऊ बसत असतील तर माझा त्यांना पाठिंबा आहे. मला त्यांची काहीही अडचण नाही. या भागातील प्रकल्प मंजुर करण्यासाठी जे तयार असतील त्यांना माझा पाठिंबा राहिल. मला आनंद होईल की, सिंचनासाठी पाणी हवयं, खांदेशच्या सिंचनासाठी पैसा मिळाला तर मला आनंद होईल, असंही खडसे यांनी म्हटलं.
मला जो मुख्यमंत्री पाहिजे, तो कार्यक्षम, चांगला, दूरदृष्टी आणि सामाजिक हित जपणारा पाहिजे. सार्वजनिक हिताच्या दृष्टीने त्याने केलेल्या आतापर्यंतच्या कामाचा आढावा घेतला, तर त्यांचं स्थान वरचं असलं पाहिजे. अशा निकषांमध्ये बसणारा माणूस मला मुख्यमंत्री म्हणून पाहिजे. या निकषांमध्ये गिरीश महाजन बसत असतील, तर मला काहीही अडचण नाही. या भागातील प्रकल्प मंजूर करण्यासाठी कुणीही तयार झाला, तर त्या व्यक्तीला माझा पाठिंबा आहे, असेही खडसे म्हणालेत.
खडसे जुनी आठवण सांगताना म्हणाले की, “सार्वजनिक हिताच्या दृष्टीने त्याने आतापर्यंत केलेल्या कामांचा आढावा घेतला तर त्याचं स्थान वरचं असलं पाहिजे. या निकषात आता जर गिरीश महाजन बसत असतील तर काय अडचण आहे? मला कुठलीच अडचण नाही,” असं खडसे म्हणाले. या भागामधील प्रकल्प मंजूर करणारा मंत्री असेल तर माझा त्याला पाठिंबा आहे. येथील प्रकल्प मंजूर करणारा कोणीही आज तयार असला तर माझा त्यांना पाठिंबा आहे. मला विद्यापीठ, पशुवैद्यकीय विद्यापीठ, मंजूर केलेले प्रोजेक्ट आणून द्या. मला खानदेशमधील सिंचनासाठी मंजूर केलेला आणि इतके वर्ष प्रलंबित असलेल्या प्रकल्पांचा पैसा द्या. हे आणून देणारा अगदी माझा कट्टर दुश्मन असेल तरी चालेल मी त्याला पाठिंबा देईल,” असंही खडसे म्हणाले.
