जळगाव (प्रतिनिधी) शहरात भारतरत्न डॉ. बाबासाहेब आंबेडकर यांच्या जयंतीनिमित्त निघालेल्या मिरवणुकीत सहभागी मंडळाचे जल्लोषात स्वागत करण्यात आले. मनपा मार्गावर सामाजिक समरसता मंचतर्फे भव्य मंच उभारण्यात आला होता.
मिरवणुकीत सहभागी विविध मंडळांचे अध्यक्ष व भीमसैनिकांचे स्वागत जिल्हा संयोजक सुरेश कुलकर्णी, प्रांत कार्यकारिणी सदस्य विजय मोघे, निखिल घोलप, शहर निमंत्रक धनराज शिंदे, भिकाभाऊ भोई, देशमाने काका आदिंनी गुलाबपुष्प देवून स्वागत केले. मंचावर भदन्त एन. सुगन्तवंस यांची उपस्थिती लाभली. आ. सुरेश भोळे, खा. उन्मेश पाटील आदी लोकप्रतिनिधींनी मंचावर येवून सर्व भीमसैनिक बंधु भगिनींना शुभेच्छा दिल्या.
कचरा गोळा करणा-र्या गरीब कुटुंबातील मुला-मुलींना मोफत शिकवण्याचे उल्लेखनीय सामाजिक कार्य करणा-र्यां वैशाली झाल्टे, यु ट्यूबवर विविध मनोरंजनात्मक व्हीडियो प्रसारीत करणारे रेंचो भिरूड, किडनीपीडितांसाठी मदत करणारे किशोर सूर्यवंशी, अभिनेते अनिल मोरे आदींना मंचतर्फे गुलाबपुष्प व सन्मानचिन्ह देवून सन्मानित करण्यात आले. दरम्यान, भीमसैनिकांनी ध्वज उंच धरीत मंचासमोर उत्स्फुर्तपणे नाचून जल्लोष केला.
