जळगाव (प्रतिनिधी) जागतिक होमिओपॅथिक दिना निमित्ताने संभाजी राजे नाट्यगृहांमध्ये खान्देशी एक दिवसीय मेळाव्याचे आयोजन करण्यात आले होते. मेळाव्यास उत्स्फूर्त प्रतिसाद मिळाला. कार्यक्रमाचे कार्यक्रमाचे उद्घाटन दीपप्रज्वलनाने झाले.
कार्यक्रमास केंद्रीय मंत्री भारतीताई पवार, पालकमंत्री गुलाबराव पाटील, माजी मंत्री गिरीश महाजन, खासदार उमेश पाटील, आमदार चंदूलाल पटेल, होमिओपॅथीचे डॉ प्रकाश भंगाळे, डॉ सुभाष देशमुख, डॉ रितेश पाटील, खामगाव येथील दादासाहेब कवीश्वर, डॉ.संजय कुमार तिवारी, अकोला चामुंडा माता कॉलेज चे संस्थापक पी ई तात्या पाटील इत्यादी उपस्थित होते.
कोविड काळामध्ये होमिओपॅथिक डॉक्टरांनी केलेल्या कामाचं कौतुक केंद्रीयमंत्री भारतीताई पवार यांनी केले. भविष्यातील आरोग्यसेवा मजबूत करण्यासाठी होमिओपॅथिक डॉक्टरांच अतिशय महत्त्वाचे योगदान असून त्यांच्या अडी-अडचणी सोडविण्यासाठी मी केंद्रातून प्रयत्न करेल असे आश्वासन यावेळी भारतीताई पवार यांनी दिले. पालकमंत्री गुलाबराव पाटील यांनी डॉक्टरांच्या अडीअडचणी सोडवण्यासाठी राज्य सरकार प्रयत्न करेल असे आश्वासन दिले.
आमदार गिरीश महाजन यांनी महाराष्ट्रातील पहिलं होमिओपॅथिक कॉलेज जळगावात सुरू करण्यासाठी मी मंत्री असताना प्रयत्न सुरू केले होते. जळगावात महाराष्ट्रातलं पहिलं कॉलेज सुरु होणे हे माझं स्वप्न असून ते पूर्ण करण्यासाठी निश्चित प्रयत्न करेल आणि होमिओपॅथिक कॉलेज लवकरात लवकर जळगावला सुरू करेल त्याकरता केंद्राची मदतही घेईल आस आश्वासन यावेळी दिले. यावेळी डॉक्टर दादासाहेब कविईश्वर यांना त्यांनी केलेल्या कार्याबद्दल जीवनगौरव पुरस्कार देऊन सन्मानित करण्यात आले.
यावेळी महाराष्ट्रातील सर्वात जुन्या असलेल्या होमिओपॅथिक कॉलेज अकोला याचाही गुणगौरव करण्यात आला. यावेळी कोविड काळामध्ये स्वतःच्या जीवाची पर्वा न करता सेवेत वाहून घेतलेल्या डॉ प्रफुल्ल विजयकर डॉ मिलिंद राव या डॉक्टरांचा दुर्दैवाने मृत्यू झाला त्यांच्या या गौरवशाली सेवेसंदर्भात बद्दल त्यांच्या कुटुंबियांना जीवन गौरव पुरस्कार देऊन सन्मानित करण्यात आले. यावेळी जळगाव जिल्ह्यातील 35 होमिओपॅथिक डॉक्टरांचा जीवनगौरव पुरस्कार देऊन सन्मानित करण्यात आले. कल्याणम् 2022 च्या दुपारच्या सत्रामध्ये महाराष्ट्र आरोग्य विज्ञान विद्यापीठाचे कुलगुरू डॉक्टर मिलिंद निकम यांनी मार्गदर्शन केले. कार्यक्रमाच्या यशस्वीतेसाठी डॉ भुषण मगर सहकार्य केले.
