फैजपूर (प्रतिनिधी) येथील धनाजी नाना महाविद्यालयातील क्रीडा संचालक प्रा. डॉ. गोविंदराव मारतळे यांची स्वामी रामानंद तीर्थ मराठवाडा विद्यापीठ, नांदेड येथील शारीरिक शिक्षण आणि खेळ या विषयाच्या अभ्यास मंडळावर सदस्य म्हणून नुकतीच निवड करण्यात आली आहे.
खेळाडूंवर भावाप्रमाणे प्रेम करुन त्यांना वागणूक देणारे आणि खेळाडूच माझी सपंत्ती माननारे क्रीडा संचालक डॉ. मारतळे क. ब. चौ. उ. म. वि. जळगाव येथील योगा आणि शारीरिक शिक्षण ह्या दोन्ही अभ्यास मंडळावर सदस्य म्हणून कार्यरत असून त्यांनी क. ब. चौ. उ. म. विद्यापीठच्या विद्यापीठ संघात २००९ पासून आतापर्यंत भारत्तोलन, शक्तितोलन, बॉक्सिंग या खेळात अखिल भारतीय आंतर विद्यापीठ स्पर्धा आणि खेलो इंडिया खेलो या स्पर्धेत अनेक पदक, संघ प्रशिक्षक व संघ व्यवस्थापन म्हणून काम करून महाविद्यालयाचे नाव देशपातळीवर पोहोचविले ही अभिमानास्पद बाब आहे. विविध शोध निबंधासह त्यांचे तीन पुस्तकेही प्रकाशित झाले आहे. त्यांच्या या विविध यशाबद्दल तापी परिसर विद्यामंडळ संस्थेचे अध्यक्ष आ. शिरीष चौधरी, संस्थेचे सर्व पदाधिकारी आणि महाविद्यालयाचे प्राचार्य डॉ. पी. आर. चौधरी, सहकारी प्राध्यापकांसह सर्वांनी त्यांचे अभिनंदन केले आहे.
