भुसावळ (प्रतिनिधी) दरमहा ५० हजार रुपये खंडणी द्यावी यासाठी तलवारीची दहशत दाखवून डॉक्टरांना जिवे ठार मारण्याची धमकी देणार्यांनी विरुद्ध कारवाई करण्यात यावी, यासाठी आज भाजपा वैद्यकीय आघाडीच्यावतीने पोलिस अधीक्षकांना निवेदन देण्यात आले. यावेळी भाजप वैद्यकीय महाराष्ट्र प्रदेश संयोजक आघाडीचे डॉ.अजित गोपछडे, आमदार राजूमामा भोळे, डॉ.नितु पाटील हे उपस्थित होते.
‘ये हमारा एरिया है,आपको यहा हॉस्पिटल चलना है तो हमे हप्ता देना पडेगा,नही तो अस्पताल बंद कर देंगे’,अशी धमकी भुसावळ मधील सुप्रसिद्ध फिजिशियन डॉ.स्वप्नील कोळंबे यांना (दि.१२ ऑक्टोबर)ला देण्यात आली आणि नंतर सतत धमकावण्यात आले. यासंबंधी (दि.२१ ऑक्टोबर)ला भुसावळ बाजारपेठ पोलीस ठाण्यात खंडणीचा गुन्हा दाखल करण्यात आला असून आरोपींना त्वरित कडक कारवाई करण्यात यावी, अशा मागणीचे निवेदन डॉ.अजित गोपछडे यांच्या वतीने मुख्यमंत्र्यांसह इतर पदाधिकऱ्यांना देण्यात आले आहे. जळगाव जिल्ह्यात “ खाकीचा धाक आता ओसरत चालला आहे.” अस काहीस चित्र तयार होत आहे,किमान प्रत्येक आठवड्यात खून, विनयभंग, दरोडा, चोरी, बलात्कार, मारामारी आदी घटना नित्य असून आता तर डॉक्टर मंडळींना दिवसाढवळ्या धमकी देणे.खंडणी मागणे नाही तर जीवे मारण्याची धमकी देणे इतपर्यंत मजल गेली आहे,काल परवा सावदा येथील डॉ. सुनील चौधरी यांच्या गजानन हॉस्पिटलमध्ये तोडफोड आणि दगड फेक करण्यात आली,तरी आम्ही वैद्यकीय आघाडी याचा तीव्र शब्दात निषेध व्यक्त करतो.
अशा आहेत ‘मागण्या’
१. सदर खंडणीचा गुन्हाबाबत जलद चक्र तपास यंत्रणा राबवून गुन्ह्रेगारांना ८ दिवसात अटक करण्यात यावी.
२. सदर खटला जलद गतीने न्यायालयात चालवून कठोरपणे शिक्षा देण्यात यावी.
३. डॉ.कोळंबे ,डॉ. चौधरी आणि परिवाराला शासकीय खर्चाने संरक्षण देण्यात यावे.
४. भुसावळ शहरात मिलिटरी,पँरामिलीटरी,राखीव पोलिस यंत्रणा यांची मदत घेत हत्यारे, गावठी कट्टा, तलवारी आदी शोध मोहीम व्यापक प्रमाणात राबवावी.
५. सर्व डॉक्टर मंडळींना स्वरक्षणार्थ हत्यारे वापरण्याची कायदेशीर परवानगी द्यावी.
“सद रक्षणाय खल निग्रहणाय ” हे ब्रीद वाक्यनुसार जळगाव पोलीस यंत्रणेने येत्या ८ दिवसात खंडणीखोरांना पकडावे अन्यथा संपूर्ण जळगाव जिल्ह्यामध्ये भारतीय जनता पार्टी तर्फे आंदोलन करण्यात येईल आणि कायदा सुव्यवस्थेचा प्रश्न निर्माण झाल्यास प्रशासन जबाबदार राहील, अशा इशारा ही देण्यात आला आहे.
