धरणगाव (प्रतिनिधी) येथील आज महाराजस्व अभियान हे सर्वसामान्यांसाठी वरदान असून उत्तर महाराष्ट्रात प्रथमच विविध खात्याच्या लाभार्थ्यांना एकाच ठिकाणी विविध दाखल्यांसह मदतीचे वाटप करण्यात आले. पाळधी येथे महाराजस्व अभियान विस्तारीत समाधान योजनेंतर्गत विविध योजनांची माहिती व दाखले वाटप करण्यात आले.
कार्यक्रमाचे उदघाटन पालकमंत्री गुलाबराव पाटील यांच्या हस्ते करण्यात आले. कार्यक्रमाच्या अध्यक्षस्थानी जिल्हाधिकारी अभिजित राऊत याप्रसंगी शिवसेना जिल्हा प्रमुख गुलाबराव वाघ, पं स सभापती मुकुंद नन्नवरे, जिल्हा परिषद सदस्य प्रताप पाटील, प्रांताधिकारी विनय गोसावी, तहसीलदार नितीनकुमार देवरे, सरपंच प्रकाश पाटील, चंदू माळी, अनिल कासट, चंदन कळमकर, सचिन पवार, आदी उपस्थित होते. महाराजस्व अभियान दहा स्टॉल लावण्यात आले होते.
पुरवठा, संजय गांधी, निराधार योजना , कृषी , आरोग्य , विमा लाभ , आधार नोंदणी , सीएससी केंद्र , पंचायत समिती विभाग, रक्तदान शिबिर, वर्ल्ड व्हिजन इंडिया , असे विविध स्टॉल लावण्यात आले होते. संत रोहिदास चर्मोद्योग व चर्मकार योजनेअंतर्गत रोजगार निर्मितीसाठी जिल्ह्यात 155 गटई स्टॉल मंजूर करण्यात आले. धरणगाव तालुक्यात २३ गटई स्टॉल वाटप करण्यात आले. राष्ट्रीय कुटुंब योजने अंतर्गत तालुक्यातील २८ महिलांना ,वीस हजार रुपयांचे असे ५ लक्ष ६० हजाराचे चेक वाटप करण्यात आले.
पंडित दीनदयाल उपाध्याय योजना अंतर्गत तालुक्यातील ४ लाभार्थ्यांना जागा खरेदीसाठी १ लक्ष १८ हजार ७४० रुपयांचा धनादेश देण्यात आला. प्रमाणपत्र , रोजगार हमी योजनेअंतर्गत ४७१ जॉब कार्डचे वाटप करण्यात आले. उत्पन्न दाखले , डोमासाईल सर्टिफिकेट, नॉन क्रिमिलेअर सर्टीफिकेट, विविध दाखले वाटप करण्यात आले. २४ व्यक्तींनी रक्तदान केले असून त्यांना पालकमंत्री व रेडक्रॉस सोसायटी यांच्या मार्फत विमा संरक्षण प्रमाणपत्र देण्यात आले. वराड बु, आव्हानी, बोरखेडा, हनुमंतखेडे, पष्टाने , पाळधी, पिंप्री अशा ठिकाणी कोरोना तपासणी कॅम्प घेण्यात येऊन माझे कुटुंब माझी जबाबदारी ही मोहीम व्यापक प्रमाणात राबवली.
वर्ल्ड व्हिजन इंडिया मार्फत पालकमंत्री गुलाबराव पाटील व जिल्हाधिकारी अभिजीत राऊत यांच्या मार्गदर्शनाने तालुक्यात कोरोनाग्रस्त दहा व्यक्तींना घरपोच प्रत्येकी पाच हजार रुपयेचे चेक देण्यात आले.तीन हजार कुटुंबांना आर्थिक, महिलांना प्रत्येकी ५ हजार रुपयांच्या बकरी वाटप करण्यात आल्या. कार्यक्रमाचे सूत्रसंचालन नायब तहसीलदार प्रथमेश मोहोड यांनी केले तर आभार तहसीलदार नितीनकुमार देवरे यांनी मानले.
