भुसावळ (प्रतिनिधी) भाजपच्या वैद्यकीय आघाडीचे उत्तर महाराष्ट्र सहसंयोजक डॉ. नि. तु. पाटील यांनी केलेल्या पाठपुरावा यशस्वी ठरला आहे. यामुळे ग्रामीण रुग्णालय भुसावळ येथे कोविड-१९ संशयित आणि संक्रमित रुग्णांना सेवा देण्यात यावी, असे आदेश आज जारी करण्यात आले आहे.
येथील ग्रामीण रुग्णालया मध्ये सध्या कोरोना संक्रमित रुग्ण आहेत. मागील आठवड्यापासून त्यांची संख्या पण ४ ते १० च्या आतच आहे. ट्रौमा केअर सेंटरची पूर्ण वास्तू फक्त कोरोना चाचणीसाठी (RTPCR) वापरण्यात येत आहे. मागील १५ दिवसांमध्ये दररोज फक्त ५ ते १५ असेच रुग्ण तपासणीसाठी येत असून, या रुग्णांसाठी संपूर्ण ट्रौमा केअर सेंटरची बिल्डिंग अडकवणे निश्चितच संयुक्तिक नाही. सदर तपासणी हि ग्रामीण रूग्णालयामध्ये सुद्धा करता येण्यासारखी आहे. यामुळे जे इतर कॉविड सोडून आजारी रुग्ण आहेत त्यांची यामुळे होणारी गैरसोय थाबेल. त्यांना ट्रौमा केअर सेंटर मधेच उपचार मिळतील आणि त्यांच्या पुढे जाण्याचा शाररीक त्रास आणि आर्थिक त्रास पण वाचेल.शिवाय आरोपी, जेल मधील कैदी यासाठी पोलिसांना शिरसोली रोडवरील रुग्णालयात जाण्याचा पण त्रास आणि वेळ वाचेल.
याबाबत डॉ.नितु पाटील भारतीय जनता पार्टी वैद्यकीय आघाडी उत्तर महाराष्ट्र सहसंयोजक यांनी जिल्हा शल्य चिकीत्सक डॉ.चव्हाण, जिल्हाधिकारी अभिजित राउत, आणि पोलीस अधीक्षक डॉ.प्रवीण मुंडे ,जळगाव यांच्याकडे मागणी केली होती की भुसावळ मधील ग्रामीण रुग्णालयात सर्व करोना रुग्णासाठी चाचणी, तपासणी, भरती करावी. ट्रौमा केअर सेंटरमध्ये इतर रुग्णासाठी उपचाराची सोय करावी आणि जनतेच आणि पोलिसांचा त्रास वाचवावा.या अनुषंगाने आज जिल्हा शल्य चिकीत्सक यांनी लेखी आदेश काढले.
१) भुसावळच्या ट्रॉमा सेंटरमध्ये नॉन-कोविड रूग्णांना सुविधा देण्यात यावी. २. ग्रामीण रुग्णालय भुसावळ येथे कॉविड १९ संशयित आणि संक्रमित रुग्णांना सेवा देण्यात यावी. ३. रेल्वे हॉस्पिटल भुसावळ येथील डेडिकेटेड कोविड हॉस्पीटल हे तात्पुरते स्वरुपात बंद करून सर्व रुग्णांना डॉ.उल्हास पाटील वैद्यकीय महाविद्यालय या ठिकाणी स्थलांतरित करण्यात यावे. रुग्ण संख्या वाढली तर परत केंद्र सुरु करण्यात येईल.
या आदेशामुळे ग्रामीण भागातील रुग्ण आणि पोलिस बांधवांचे होणारे त्रास वाचणार आहेत.त्यामुळे फार मोठ्या प्रमाणात रुग्णांना दिलासा मिळणार आहे.भाजप भाजप वैद्यकीय आघाडीचा हा यशस्वी पाठपुरावा आहे.
डॉ.नितु पाटील उत्तर महाराष्ट्र सहसंयोजक भाजप वैद्यकीय आघाडी
