मुंबई (वृत्तसंस्था) तुरुंगात असताना एका व्यावसायिकाच्या पत्नीकडून २०० कोटींची वसुली करण्याची चंद्रशेखरने योजना एवढ्या हुशारीने रचली की, व्यावसायिकाच्या पत्नीला किंवा तुरुंग प्रशासनालाही याची कल्पना आली नाही. व्यावसायिक पत्नीचा पती सध्या मनी लॉन्ड्रिंग प्रकरणात तुरुंगात आहेत. एखाद्या चित्रपटाच्या कथेला शोभावी असंच हे संपूर्ण प्रकरण आहे. यातील सर्वांत मोठी गोष्ट म्हणजे तिला फोन करणारा व्यक्ती हा तिहार कारागृहातील होता.
अब्जाधीश पती तुरुंगात असताना त्याला जामिन मिळवण्यासाठी पत्नी तासनतास फोनवर कोणाशी तरी चर्चा करते. देशाच्या गृहसचिवांसह वरिष्ठ सरकारी अधिकाऱ्यांशी आपण बोलतोय, असं तिला वाटत असतं. ती फोनवर गृहमंत्र्यांच्या भेटीची वेळ मागते. तिने सहकार्य केल्यास योग्य वेळी भेट करून दिली जाईल, असं आश्वासन तिला दिलं जातं. यावेळी पार्टी फंडसाठी दिलेल्या पैशांचा उल्लेखही ती फोनवर करते. हा सगळा प्रकार आणि २०० कोटी रुपयांचं खंडणी प्रकरण उघड करण्यास काही महिने लागले. जुलैमध्ये अंमलबजावणी संचालनालयाकडून इशारा मिळाल्यानंतर तिने ते संभाषण रेकॉर्ड करण्यास सुरू केलं. संभाषणाचे सर्व टेप्स ईडीकडे सोपवण्यात आले आहेत आणि २०० कोटी रुपयांची खंडणी आणि फसवणूक केल्याचा आरोप करत दिल्ली पोलिसांकडे गुन्हा दाखल केला आहे
तुरुंगात पोलिस अधिकाऱ्यांना फसवण्यासाठी सॉफ्टवेअर वापरत होता
अनेक आश्चर्यांनी भरलेली ही कथा आहे. एका वृत्तसंस्थेच्या मते, यातील सर्वात मोठी गोष्ट अशी आहे की, जो व्यक्ती (सुकेश चंद्रशेखर) त्या महिलेला कॉल तो तुरुंगातून करत होता. त्याच्याकडे फोन होता आणि तो तुरुंगात पोलिस अधिकाऱ्यांना फसवण्यासाठी सॉफ्टवेअर वापरत होता. अंमलबजावणी संचालनालयाने यातील ८४ रेकॉर्डिंग दिल्ली न्यायालयाकडे सुपूर्द केल्या आहेत जेणेकरून सुकेश चंद्रशेखरला अटक करता येईल. सुकेश २०१७ पासून तुरुंगात आहे.
सुकेश चंद्रशेखर विरुद्ध आदित सिंगची पोलिसांत तक्रार
सुकेशच्या फसवणुकीला बळी पडलेल्या महिलेचे नाव अदिती सिंग आहे, जिचा पती शिविंदर सिंग एकेकाळी त्याचा भाऊ मालविंदर सिंग यांच्यासह फार्मा कंपनी रॅनबॅक्सीचा सह-मालक होता. शिविंदर सिंग यांना २०१९ मध्ये मनी लाँड्रिंगप्रकरणी अटक करण्यात आली होती. सरकारी अधिकारी म्हणून फोनवर बोलत असलेल्या सुकेशने २०० कोटींच्या व्यवहारातील कोणताही भाग सरकारी अधिकाऱ्याला दिला नसल्यामुळे आणि या प्रकरणात लाच न दिल्याने त्याने पोलिसांत तक्रार दाखल केलेली नाही. सुकेश चंद्रशेखर विरुद्ध आदित सिंगची पोलिसांत तक्रार आहे. ज्यामध्ये तिला २०० कोटी रुपये देण्याची धमकी दिल्याचा आरोप आहे.
जून २०२० मध्ये आदितीशी संवाद सुरू झाला
जून २०२० मध्ये अदिती सिंगने पती शिविंदर सिंगची तुरुंगातून सुटका व्हावी यासाठी वरिष्ठ सरकारी अधिकाऱ्यांशी बोलण्याचा प्रयत्न सुरू केला. दरम्यान, सुकेश चंद्रशेखर यांनी गृहमंत्रालयातील सर्वोच्च अधिकारी म्हणत अजय भल्ला बनून आदिती सिंह यांच्याशी काही संवाद साधला. सुकेशने अदिती सिंग यांच्याशी देशाचे कायदा सचिव अनूप कुमार, तर कधी कायदा मंत्रालयाच्या अधिकाऱ्याच्या भूमिकेत संवाद साधला.
न्यायालयीन कामकाजासाठी थेट पैशांच्या मागणीवर आक्षेप
सुकेश चंद्रशेखर आणि आदिती सिंग यांच्यातील फोनवरील संभाषण टॅप करण्यात आले आहे. त्यांचे संभाषण ११ महिने चालले. तपासकर्त्यांनी दिलेल्या माहितीनुसार, पैसे दिल्यानंतर आदिती सिंगने संशयावरून फोन रेकॉर्ड करण्यास सुरुवात केली. त्यांची बहीण अरुंधती खन्ना यांनीही या कामात मदत केली. आपली वेगळी ओळख म्हणून सुकेश चंद्रशेखरने सुप्रीम कोर्टातील जामीन सुनावणीचा दाखला दिला आणि त्यापूर्वी पैसे देण्याची मागणी केली. आदितीची बहीण अरुंधती हिनेही न्यायालयीन कामकाजासाठी थेट पैशांच्या मागणीवर आक्षेप घेतला. इतकं दडपण निर्माण केलं तर चालणार नाही, असं त्या म्हणायच्या. “तुम्ही हे पैसे कशासाठी वापरता हे आम्हाला माहित नाही, मी तुम्हाला हे कधी विचारले नाही आणि मला सांगितले गेले नाही.” असे अरुंधती यांनी म्हटले.
सुकेश चंद्रशेखरने ३० हप्त्यांमध्ये २०० कोटी घेतल्याचा आरोप
ऑगस्टमध्ये आदिती सिंह यांनी सुकेश चंद्रशेखर यांच्या विरोधात पोलिसात तक्रार दाखल केली होती, ज्यात त्यांनी ३० हप्त्यांमध्ये २०० कोटी घेतल्याचा आरोप केला होता. त्यांच्या तक्रारीत, त्यांनी अनूप कुमार (कायदा सचिव) आणि सचिव अभिनव यांनी पैशासाठी केलेल्या कॉलबद्दल सांगितले. आदितीने तिच्या तक्रारीत म्हटले आहे की, “हे लोक मला धमकावत असत, धमकावत असत. त्यामुळे हळूहळू मी माझे दागिने, गुंतवणूक आणि इतर मालमत्ता वापरून त्यांना २०० कोटी दिले. तरीही धमक्या सुरूच राहिल्या. परदेशात शिकणाऱ्या माझ्या मुलांकडे बोट दाखवत त्यांना लक्ष्य करण्याचीही धमकी दिली.
दागिने विकण्यास भाग पाडले
अदिती सिंग सुकेश चंद्रशेखरच्या अनेक ‘लक्ष्यांपैकी एक’ असल्याचे दिसते. चेन्नईमध्ये समुद्रकिनारी एक घर आणि फेरारी, बेंटले आणि रोल्स रॉइससह २३ गाड्यांच्या ताफ्यासह तो एक भव्य जीवनशैली जगत होता. अभिनेत्री जॅकलिन फर्नांडिस त्याच्यासोबत मनी लॉन्ड्रिंग प्रकरणाशी जोडली गेली असून तिला अलीकडेच मुंबई विमानतळावर परदेशात जाण्यापासून रोखण्यात आले होते. तिने ईडीला सांगितले आहे की, सुकेश चंद्रशेखरने तिला महागडे जिमचे कपडे, बॅग आणि खाजगी जेट भेट दिले होते, पण त्याने तिच्यासोबत कोणत्याही बेकायदेशीर आर्थिक व्यवहारात भाग घेतला नाही.
