चोपडा (प्रतिनिधी) हिंदू हृदय सम्राट स्वर्गीय बाळासाहेब ठाकरे स्वच्छ व सुंदर अभियानांतर्गत दुसऱ्या सर्वेक्षणात चोपडा बस स्थानकाला 82 गुण मिळाल्याने राज्यात प्रथम आले आहे.
या संदर्भात आगार व्यवस्थापक महेंद्र पाटील यांनी एक पत्रकार परिषद घेतली, यावेळी त्यांनी सांगितले की, चोपडा बस स्थानकाला राज्यस्तरीय अ गटात प्रथम क्रमांकावर आलेलो आहोत. अशा सहा फेऱ्यांमध्ये आपण जर प्रथम क्रमांकवर आलो तर 50 लाखांचे रोख बक्षीस मुख्यमंत्र्यांच्या हस्ते व ट्रॉफी चोपडा डेपोला मिळेल. मुख्यमंत्री एकनाथराव शिंदे यांच्या संकल्पनेतून हिंदुहृदय सम्राट बाळासाहेब ठाकरे स्वच्छ व सुंदर बस स्थानक हे अभियान 1 मे 23 ते 30 एप्रिल 2024 या कालावधीत राबविला जात आहे. यासाठी मंत्रालयाकडून याकडे लक्ष दिले जात आहे.
चोपडा बस स्थानक पहिल्या सर्वेक्षण 77 गुण मिळालेले होते. त्यावेळी औरंगाबाद येथील कमिटी आपल्या बसस्थानक पहाणीसाठी आलेली होती. दुसऱ्या सर्वेक्षणात जुलै ते सप्टेंबर यात 82 गुण धुळ्याच्या कमिटीने चोपडा बस स्थानकाला दिल्याने राज्यात प्रथम क्रमांक आलेला आहे. तसेच राज्यस्तरीय व प्रादेशिक असे दोन विभाग दिलेले आहेत. त्यात चोपडा बसस्थानक राज्यस्तरीय विभागात अ क्रमांकाने प्रथम क्रमांक पटकाविल्याने सर्वत्र आनंद व्यक्त होत आहे.
विभाग नियंत्रक भगवान जगनोर व विभागीय कार्यालयातील सर्व अधिकारी यांनी सर्वांनी तसेच चोपडा बस स्थानकातील अधिकारी कर्मचारी कर्मचारी वाहक चालक यांनी सर्वांनी मेहनत घेतल्यामुळे दुसऱ्या फेरीपर्यंत चोपडा बसस्थानक राज्यात प्रथम क्रमांकावर आलेला आहे. महेंद्र पाटील यांनी पुढे बोलताना सांगितले की, आमदार लताताई सोनवणे यांनी चोपडा बस स्थानकात संपूर्ण काँक्रिटीकरण करून दिल्याने व माजी आमदार व प्रा.चंद्रकांत सोनवणे यांचेही वारंवार सहकार्य मिळत असल्याने चोपडा बस स्थानक निश्चितच राज्यस्तरीय प्रथम क्रमांक मिळविल्याशिवाय राहणार नाही, असेही आगार व्यवस्थापक महेंद्र पाटील यांनी ग्वाही दिली.
आगार व्यवस्थापक महेंद्र पाटील यांनी विमानतळावर दिशादर्शक फलक लावले जातात तसेच फलक लवकरच लावले जातील. तसेच आरो पाणी वॉटर मशीन बसविले जाईल. बसेस कमी पडत असल्याने प्रश्न विचारला असता आगार व्यवस्थापक महेंद्र पाटील यांनी सांगितले की, लवकरच 21 इलेक्ट्रिक गाड्या चोपडा बस स्थानकाला मिळणार आहेत. तसेच बीएस 06 च्या बसेस सुद्धा संपूर्ण महाराष्ट्रात 2500 बसेस मंजूर केलेले असल्याने त्यातील काहिही बसेस मिळवण्याच्या प्रयत्न करणार आहोत.
एवढेच नव्हे तर, इलेक्ट्रिक बससाठी चार्जिंग सेंटर सुद्धा चोपडा बस स्थानकाला मिळालेले आहे. चोपडा बस स्थानक परिसरात विविध प्रकारचे आकर्षक फलक व पेंटिंग करण्यात आली असल्याने तसेच अजून सेल्फी पॉईंट,कारंज्या व इतिहासातील महान महिलांचे कर्तुत्व आपण प्रत्यक्षात भिंतीवर रंगवणार आहोत. लोकसहभागातून अशा विविध पेंटिंग्स आकर्षक फलक चोपडा बस स्थानक तयार करणार असल्याचेही आगार व्यवस्थापक महेंद्र पाटील यांनी सांगितले.
