चोपडा (प्रतिनिधी) गेरुघाटी ते वैजापुर रोडवरील वन विभागाच्या नाक्याजवळ अवैधरित्या गावठी पिस्टल व एक जिवंत काडतूस एका संशयिताला चोपडा ग्रामीण पोलिसांनी अटक केली आहे. रेहमल जेमल पावरा, असे संशयित आरोपीचे नाव आहे.
दि. 30 रोजी 3;30 वाजता रोजी जिरायत पाडा, पो. मेलाने, ता. चोपडा येथील रहिवासी रेहमल जेमल पावरा (वय-३३ वर्ष) हा विना नंबर प्लेटची होन्डा कंपनीची मोटर सायकलवरून जात होता. पोलिसांनी गुप्त माहितीवरून रेहमलला थांबवून विचारपूस केली असता त्यांच्याकडे एक बनावटी गावठी पिस्टलसह एक जिवंत काडतुस मिळून आले. 25,000/- रु किंमतीचा एक गावठी बनावटी कटटा व 1000/- रु किंमतीचे काडतुस 50000 रुपयाची मोटारसायकल, असा एकूण 76000 रुपयांचा मुद्देमालसह हस्तगत करण्यात आला. संबंधित आरोपीच्या विरुद्ध पो.कॉ.चेतन सुरेश महाजन यांच्या फिर्यादिवरून चोपडा ग्रामीण पोलीस स्टेशनला गुन्हा नोंद करण्यात आला आहे. तसेच संशयित आरोपी रेहमल जेमल पावरा यास अटक करण्यात आली असून पुढील तपास पोलीस निरीक्षक कावेरी कमलाकर यांच्या मार्गदर्शनाखाली तपास पोहेकॉ शशिकांत पारधी हे करीत आहेत.
