एरंडोल (प्रतिनिधी) तालुक्यातील पिंपळकोठा येथे कारने उभ्या ट्रकला मागून जोरदार धडक दिल्याने भीषण अपघात झाला आहे. या अपघातात कारमधील चार जण जागीच ठार झाले तर एक जण गंभीर जखमी झाल्याची घटना सायंकाळी साडेसात वाजेच्या सुमारास घडलीय.
यासंदर्भात अधिक असे की, एरंडोलकडून जळगावकडे जात असलेल्या कार क्रमांक (एमएम १९ सीझेड ७३६०) पिंपळकोठ्याजवळ पुढे जात असलेल्या उभ्या ट्रकला जोरदार धडक दिल्याने कार मधील चार जण जागीच ठार झाले तर एक जण गंभीर जखमी झाले आहे. दरम्यान मयताची अद्याप नावे कळू शकली नाही. हा अपघात इतका भीषण होता की कारमध्ये मयत झालेले व्यक्तींना बाहेर काढणे कठीण झाले होते. क्रेनच्या मदतीने कार ट्रकमधून काढण्यात आली.
