औरंगाबाद (वृत्तसंस्था) औरंगाबाद (Aurangabad) मधील इंजिनिअरने (Engineer) झटपट श्रीमंत होण्यासाठी चुकीचा मार्ग अवलंबला आणि त्याला पोलिसांनी बेड्या ठोकल्या आहेत. इंजिनिअरसोबतच त्याच्या इतर साथीदारांनाही पोलिसांनी अटक केली आहे. झटपट श्रीमंत होण्यासाठी या इंजिनिअरने बनावट नोटा (printing fake currency) छापण्याचा कारखाना सुरू केला होता.
संगणक इंजिनिअर असलेल्या औरंगाबादच्या इंजिनिअरने झटपट श्रीमंत होण्यासाठी बनावट नोटा छापण्याचा कारखाना सुरू केला. धक्कादायक म्हणजे यापूर्वीदेखील बनावट नोटा छापल्याप्रकरणी पोलिसांनी त्याला अटक केली होती. तुरुंगातून बाहेर पडल्यानंतर देखील झटपट श्रीमंत होण्यासाठी समरान ऊर्फ लक्की याने बनावट नोटा छापण्यास सुरुवात केली. कारागृहातून सुटल्यावर समरान याने आपल्या मित्रांसोबत बनावट नोटा छापण्याचा कारखाना सुरू केला. मुकुंदवाडी येथे भाड्याच्या खोलीत समरान आपल्या मित्रांसोबत बनावट नोटा छापत होता. याची माहिती पोलिसांना मिळताच पोलिसांनी छापा टाकून सर्व आरोपींना अटक केली आहे.
बनवाट नोटांचा मोठा साठा जप्त
पोलिसांनी घटनास्थळी छापा टाकून मोठी कारवाई केली. या कारवाईत पोलिसांनी घटनास्थळावरुन बनावट नोटांचा साठा जप्त केला आहे. यामध्ये ५०० रुपये, १०० रुपये आणि ५० रुपयांच्या बनावट नोटांचा समावेश आहे. यासोबतच पोलिसांनी घटनास्थळावरुन कम्प्युटर, प्रिंटर, कागद असा ऐवजही ताब्यात घेतला आहे.
