धरणगाव (प्रतिनिधी) मागील वर्षाप्रमाणे यंदाही स्व. लक्ष्मीचंदजी डेडिया सर(मास्टर जी) यांच्या स्मरणार्थ “स्वरांजली” भक्तीगीत/भजन/शास्त्रीय आणि सुगम संगीत संध्या कार्यक्रम आयोजित करण्यात आलेला आहे.
सदर कार्यक्रम हा दि.१० ऑगस्ट शनिवार रोजी सायंकाळी ६ ते ९ दरम्यान “श्री आदिनाथ दिगंबर जैन मंदिर हॉल” येथे आयोजित करण्यात आलेला असून कार्यक्रमाचे अध्यक्षस्थानी प्रख्यात साहित्यिक,कवी,लेखक प्रा.बी.एन.चौधरी राहणार आहेत. ह्या कार्यक्रमात स्व.लक्ष्मीकांतजी डेडिया सर यांचे शिष्य परिवार आपली स्वरांजली सादर करणार आहेत.
जेष्ठ संगीतकार व गायक आर.बी.पाटील, दुष्यंत जोशी (जळगाव), योगेश पाटील (एरंडोल), मोहन रावतोळे यांची उपस्थिती राहणार असून ते पण स्वरांजली सादर करणार आहेत. तसेच गावातील कलावंतही ह्या कार्यक्रमामध्ये सादरीकरण करणार आहेत.
ह्या कार्यक्रमाला गावातील रसिक श्रोत्यांनी जास्तीत जास्त संख्येने उपस्थिती द्यावी, असे आवाहन स्व.श्री.लक्ष्मीकांतजी डेडिया सर यांचे शिष्य परिवारतर्फे करण्यात येत आहे. सदर कार्यक्रमास श्री आदिनाथ दिगंबर जैन मंदिर ट्रस्ट यांचे सहकार्य लाभत आहे.
