सिल्लोड (वृत्तसंस्था) तालुक्यातील मंगरूळ परिसरातील एका शेतात युवकाचा चौघांनी मिळून निर्घुण केल्याची घटना नुकतीच उघडकीस आली आहे. दरम्यान, प्रेम प्रकरणाच्या संशयावरून तिघां भाऊंनी एकासोबत मिळून हा खून केल्याची धक्कादायक माहिती समोर येत आहे. यादवराव बोराडे (वय २५, रा. मंगरूळ) असे खून झालेल्या तरुणाचे नाव आहे.
मृताची आई आनंदाबाई बोरडे यांनी सिल्लोड ग्रामीण पोलिस ठाण्यात दिलेल्या फिर्यादीत म्हटले आहे की, त्यांचा मुलगा समाधान यादव बोर्डे (वय २५) यास बुधवारी (दि. १७) दुपारच्या सुमारास तेथील मुलीशी असलेल्या प्रेम प्रकरणाच्या संशयावरून गौतम भिका दामेधर, समाधान भिका दामेधर, देविदास भिका दामोदर व श्रावण भास्कर बोर्डे या चौघांनी लाकडी दांडा व विळ्याने छातीवर वार करून खून केल्याचे म्हटले आहे.
पोलिसांनी तात्काळ तपासचक्र फिरवीत यातील तीन आरोपींना अवघ्या काही तासांत अटक केली. तर श्रावण बोर्डे हा आरोपी फरार असल्याचे कळते. मयताच्या पत्नीला ह्या प्रेम प्रकरणाची माहिती असंल्यामुळे ती व मुले सहा महिन्यांपासून गाव सोडून गेली होती. तसेच मयताचे तिघं आरोपींच्या बहिणीसोबत प्रेमसंबंध होते आणि त्यातूनच हा खून झाल्याचेही वृत्त आज काही माध्यमांमध्ये प्रसिद्ध झाले आहे.