जळगाव (प्रतिनिधी) जळगाव ते शिरसोली दरम्यान धावत्या रेल्वेतून पडल्याने रुस्तमजी इंग्लिश मिडीयम स्कूलमधील तरूण शिक्षकाचा दुदैवी मृत्यू झाल्याची घटना बुधवारी १५ नोव्हेंबर रोजी दुपारी साडेतीन वाजेच्या सुमारास घडली आहे. मयत तरूण शिक्षक हे मामाकडे जावून बहिणीकडे भाऊबिजेसाठी जाण्याच्या प्रवासात असतांना ही घटना घडली आहे. याप्रकरणी जळगाव रेल्वे पोलीसात अकस्मात मृत्यूची नोंद करण्यात आली आहे.
विजय शाम सोनी रा. बऱ्हाणपुर मध्यप्रदेश ह.मु. जळगाव असे मयत झालेल्या शिक्षकाचे नाव आहे. विजय शाम सोनी हे जळगावातील रूस्तमजी इंग्लिश मीडियम स्कूलमध्ये शिक्षक म्हणून नोकरीला होते. ते मध्यप्रदेशातील बऱ्हाणपुर येथील मूळ रहिवाशी आहेत. दरम्यान दिवाळी निमित्त ते कल्याण येथील मामांकडे भेटण्यासाठी गेले. कल्याणहून परत ते मुळगावी बऱ्हाणपुर येथे येथे बहिणीकडे भाऊबीजेसाठी बुधवारी नोव्हेंबर रोजी रेल्वेने प्रवास करीत होते.
जळगाव ते शिरसोली दरम्यान रेल्वेतून प्रवास करत असतांना रेल्वे खंबा क्रमांक ४०७जवळ धावत्या रेल्वेतून विजय सोनी हे पडले. त्यात ते गंभीर जखमी झाले. ही घटना घडल्यानंतर त्यांना शासकीय रूग्णालयात दाखल केले होते. यावेळी वैद्यकीय अधिकारी यांनी मयत घोषीत केले. तर याबाबत जळगाव रेल्वे पोलीसात अकस्मात मृत्यूची नोंद करण्यात आली आहे. पुढील तपास हेडकॉन्स्टेबल सचिन भावसार करीत आहेत.
