मुंबई (वृत्तसंस्था) “बेकायदेशीर आणि राजकीय सुडाच्या कारवाईस कायद्यानेच चोख उत्तर देऊ, कर नाही त्याला डर कशाला?” अशी प्रतिक्रिया शिवसेना खासदार संजय राऊत यांनी दिली आहे. शिवसेना नेते प्रताप सरनाईक यांच्यापाठोपाठ शिवसेनेचे खासदार संजय राऊत यांच्या पत्नीलाही ईडीची नोटीस आल्यानंतर शिवसेना चांगलीच आक्रमक झाली आहे. ईडी विरोधात शिवसेनेची रस्त्यावर उतरण्याची शक्यता वर्तवली जात होती.
गेल्या काही दिवसात शिवसेना नेत्यांवर ईडीने केलेल्या कारवाईमुळे शिवसेना आक्रमक होताना पाहायला मिळत आहे. त्यामुळेच ईडी विरोधात शिवसेना रस्त्यावर उतरण्याची शक्यता आहे. येत्या ५ जानेवारीला महाराष्ट्रातून शिवसैनिक मुंबईत दाखल होणार असल्याचं बोललं जात आहे. या सर्व चर्चांना शिनसेना खासदार संजय राऊत यांनी पूर्णविराम दिला आहे. ‘तूर्त प्रदर्शनाची गरज नाही, रस्त्यावर ऊतरायचे तेव्हा ऊतरू. पण हया कारणासाठी नाही. बेकायदेशीर आणि राजकीय सुडाच्या कारवाईस कायद्यानेच चोख उत्तर देऊ’ असं संजय राऊत म्हणाले.
ईडीच्या नोटिसीसंदर्भात शिवसैनिकांची अस्वस्थता मी समजू शकतो. मात्र सक्त वसुली संचालनालयाच्या (ईडी) विरोधात शिवसैनिकांच्या वतीने मोर्चा काढले जाणार नाही. यासंदर्भात माध्यमात आलेले वृत चुकीचे असल्याचे स्पष्टीकरण शिवसेना खासदार संजय राऊत यांनी रविवारी स्पष्ट आहे. राऊत यांच्या पत्नी वर्षा या ईडी कार्यालयात मंगळवारी (दि.५) चौकशीला सामोरे जात आहेत. त्या पार्श्वभूमीवर राऊत म्हणाले की, मोर्चाच्या बातम्या चुकीच्या आहेत.
रस्त्यावर उतरायचे तेव्हा उतरू. पण या कारणासाठी नाही. बेकायदेशीर व राजकीय सुडाच्या कारवाईस कायद्यानेच चोख उत्तर देऊ. कर नाही त्याला डर कशाला शिवसेनेची शक्ती पाठीशी आहेच. तूर्त प्रदर्शनाची गरज नाही. शिवसैनिक व शिवसेनाप्रेमींची अस्वस्थता मी समजू शकतो. शिवसेना नेते प्रताप सरनाईक यांच्यापाठोपाठ संजय राऊत यांच्या पत्नीला ईडीची नोटीस आल्यानंतर शिवसेना आक्रमक झाल्याचे चित्र आहे. ईडीविरोधात शिवसेनेची रस्त्यावर उतरण्याची शक्यता वर्तवली जात होती. तशा चर्चांना उधाण आले होते.
गेल्या काही दिवसांपासून ईडी कडून शिवसेना नेत्यांना नोटीस बजावण्यात येत होत्या. त्यातच संजय राऊत यांच्या पत्नी वर्षा राऊत यांची ५ जानेवारीला ईडी कडून चौकशी होणार आहे. तेव्हा शिवसेनेकडून शक्ती प्रदर्शन केलं जाण्याची शक्यता वर्तवण्यात येत होती. ५ जानेवारीला मुंबईसह, नवी मुंबई, ठाणे, मिरा-भाईंदर परिसरातून बसेस आणि खासगी गाड्यांनी शिवसैनिक मुंबईत येणार असल्याची माहितीही समोर येत होती. मात्र या सर्व चर्चांना संजय राऊतांनी स्पष्टीकरण देत ब्रेक लावला आहे.
