धरणगाव (प्रतिनिधी) काका थांबा…मी पोलीस इन्स्पेक्टर असे सांगत हात चलाखीने वृद्धाची सोन्याची अंगठी लांबवल्याची खळबळजनक घटना भर दुपारी शहरातील महादेव मंदीर परिसरात घडली आहे.
या संदर्भात अधिक असे की, किशोर पदमनाथ शुक्ला (वय ५५ वर्ष, धंदा- पुरोहीत, रा. घोडे गल्ली, धरणगाव) हे कामानिमित्त दि. १२ रोजी दुपारी जात असतांना महादेव मंदीर जवळील दवाखान्या सचिन पेंढारे दातांचा समोर रस्त्यावर अचानक त्यांच्या मागून एक मोटर सायकल आली. मोटर सायकल वरील एक पुरुष इसमाने शुक्ला यांना म्हणाला की, मी पोलीस इन्स्पेक्टर आहे. तुमची सोन्याची अंगठी काढून काढून घ्या.
शुक्ला यांनी यांनी ३० हजार रुपये किंमतीची सोन्याची अंगठी काढून भामट्याकडे दिली. भामट्याने ती अंगठी रुमालात बांधून शुक्ला यांच्याकडे दिल्याचा बनाव करत काका तुम्ही व्यवस्थीत घरी जा असे सांगितले. हरी आपल्यावर शुक्ला यांनी आपल्या पत्नीस रुमालमधून अंगठी काढण्यास सांगितले. परंतू त्यात अंगठी नव्हती. त्यामुळे आपली फसवणूक झाल्याचे लक्षात येताच शुक्ला यांनी पोलिसात धाव घेतली. त्यानुसार अज्ञात व्यक्तीविरुद्ध गुन्हा दाखल करण्यात आला असून पुढील तपास पो.ना. उमेश पाटील हे करीत आहेत.
