जळगाव (प्रतिनिधी) शहरातील जळगाव-औरंगाबाद रस्त्यावर एमआयडीसी पोलीस ठाण्यापासून हाकेच्या अंतरावर एका हॉटेलमध्ये वेश्या व्यवसाय सुरू असल्याची माहिती पोलिसांना मिळाली होती. सहाय्यक पोलीस अधिक्षक कुमार चिंता यांच्या पथकाने छापा टाकल्यावर प्रकार उघड झाला आहे. याप्रकरणी एमआयडीसी पोलिसांनी दोन जणांना अटक केली आहे. काशिनाथ चौकानजीक असलेल्या हॉटेल अमरनाथ येथे सदर छापा टाकण्यात आला.
जळगाव शहरातील जळगाव – औरंगाबाद रोडवरील अमरनाथ लॉजीगचे मालक लॉजमध्ये पुरुषांना काही महिला उपलब्ध करुन वेश्या व्यवसाय चालवत असल्याची माहिती मिळाली होती. त्यानुसार सदर कारवाई करण्यात आली. आज सायंकाळी साडे पाच वाजेच्या सुमारास टाकण्यात आलेल्या या कारवाईत सहायक पोलिस अधिक्षक कुमार चिंता यांच्या मार्गदर्शनाखाली परिवीक्षाधीन सहा. पोलीस अधीक्षक अशिद नामदेव कांबळे (भापोसे), पो.नि.प्रताप शिकारे यांच्यासह सहायक फौजदार अतुल वंजारी, पो.कॉ. राहुल रगडे, मपोकॉ आशा पांचाळ, एसडीपीओ कार्यालयातील पोलिसउपनिरीक्षक सुनिल पाटील, हे.कॉ.किरण धमके यांच्यासह इतर कर्मचारी वर्गाने या कारवाईत सहभाग घेतला. या कारवाईत दोन महिला व दोन पुरुष आढळून आले आहेत. यातील राजेश मिठाराम ठोंबरे रा.सोपानदेव नगर, जुना खेडी रोड व विकास रमेश सोनवणे रामेश्वर कॉलनी या दोघा संशयीतांना ताब्यात घेण्यात आले आहे. प्रत्येकी हजार रुपये घेऊन या लॉजमधे रुम उपलब्ध करुन दिली जात होती. पो.नि.प्रताप शिकारे यांच्या मार्गदर्शनाखाली दिपक चौधरी व राजेंद्र कांडेकर पुढील तपास करत आहेत.
