धरणगावच्या यात्रेतून निवृत्त महिला शिक्षिकेची पोत लांबवली !

धरणगाव (प्रतिनिधी) येथील मरिमाता मंदिर यात्रेमध्ये एका महिलेची सोन्याची पोत अज्ञात इसमाने चोरून नेल्याची घटना उघडकीस आली. याप्रकरणी धरणगाव पोलिसात महिलेने दिलेल्या तक्रारीवरून चोरीचा गुन्हा दाखल करण्यात आला आहे.
सविस्तर वृत्त असे की, शहरात दि १६ रोजी मरीमाता मंदिर येथे यात्रोस्तवाचा कार्यक्रम असल्याने रोजी दिवसभर शहरात यात्रेनिमित्त भाविक भक्तांनी गर्दी केलेली होती. त्याचवेळेस धरणगावातील मातोश्री नगरातील रहिवासी निवृत्त शिक्षिका रजनी हरिशचंद्र सूर्यवंशी(वय ६४) हे सुद्धा यात्रेत सहभागी झाले होते. यावेळेस कुणी तरी अज्ञात इसमाने त्यांच्या गळ्यातील ८७ हजार ५०० रुपये किमतीची २५ ग्राम सोन्याची मोहळ माळ लांबवली. याप्रकरणी धरणगाव पोलिसात रजनी सूर्यवंशी यांच्या फिर्यादीवरून अज्ञात चोरटयविरोधात गुन्हा दाखल करण्यात आला असून पुढील तपास पोहेकॉ नाना ठाकरे हे करीत आहेत.