पाळधी ता.धरणगाव (प्रतिनिधी) येथील एका महिलेच्या गळ्यातील ५० हजार रुपये किमतीची सोन्याची चैन खेचून अज्ञात चोरटा फरार झाला. या घटनेमुळे परिसरातील महिलांमध्ये भीतीचे वातावरण निर्माण झाले आहे.
या संदर्भात अधिक असे की, देवेंद्र कुमार तनसुख संघवी (वय-६५, रा. संघवी गृहउद्योग पापड फॅक्टरी पाळधी ता. धरणगाव) हे आपल्या कुटुंबीयांसह राहतात. २० सप्टेंबर रोजी १२.३० वाजेच्या सुमारास देवेंद्र संघवी यांची आई चंदाबाई संघवी या राहत्या घराच्या समोरील मोकळ्या जागेत उभ्या होत्या. याचवेळी २५ ते ३० वर्षे वयोगटातील अज्ञात तरुणाने जवळ येऊन त्यांच्या गळ्यातील ५० हजार रुपये किमतीची सोन्याची चैन खेचून पसार झाला होता. या प्रकरणी देवेंद्र संगवी यांच्या फिर्यादीवरून पारधी दूरक्षेत्र पोलीस ठाण्यात अज्ञात चोरट्यांनी विरोधात गुन्हा दाखल करण्यात आलाय. पुढील तपास पोलीस हेडकॉन्स्टेबल अरुण निकुंभ करीत आहे.
