जळगाव प्रतिनिधी । जळगाव शहरातील बिस्मील्ला चौकातील एकाचे बंद घराचा कडी कोयंडा तोडून घरात प्रवेश करत घरातून ५० हजारांची रोकड आणि सोन्याच्या रिंगा असा एकुण ७० हजारांचा ऐवज अज्ञात चोरट्यांनी चोरून नेल्याची घटना सोमवारी २६ ऑगस्ट रोजी सकाळी उघडकीला आले. याप्रकरणी प्रकरणी बुधवारी २८ ऑगस्ट रोजी दुपारी अडीच वाजता एमआयडीसी पोलीस ठाण्यात अज्ञात चोरट्यांविरोधात गुन्हा दाखल करण्यात आला आहे.
याबाबत अधिक माहिती अशी की, शमीम बानो खुतुबोद्दिन शेख वय ५० रा. बिस्मील्ला चौक, जळगाव या महिला आपल्या परिवारासह वास्तव्याला आहेत. १७ ऑगस्ट ते २६ ऑगस्ट दरम्यान त्यांचे घर बंद असतांना अज्ञात चोरट्यांनी त्यांच्या बंद घराचा दरवाजा तोडून आत प्रवेश करत घरातून ५० हजारांची रोकड आणि २० हजार रूपये किंमतीच्या सोन्याच्या रिंगा असा एकुण ७० हजार रूपये किंमतीचा ऐवज अज्ञात चोरून नेले. हा प्रकार २६ ऑगस्ट रोजी दुपारी अडीच वाजता उघडकीला आले. त्यानंतर महिलेने बुधवारी २८ ऑगस्ट रोजी दुपारी अडीच वाजता एमआयडीसी पोलीस ठाण्यात धाव घेवून तक्रार दिली. त्यांनी दिलेल्या तक्रारीवरून अज्ञात चोरट्यांविरोधात गुन्हा दाखल करण्यात आला आहे. पुढील तपास पोहेकॉ रामकृष्ण पाटील हे करीत आहे.
