कीव्ह (वृत्तसंस्था) रशियाचे सैन्य युक्रेनच्या राजधानीत दाखल झाले आहे. अशाच युक्रेनचे राष्ट्रपती वलोडिमिर जेलेंस्की यांनी एक भावनिक वक्तव्य केले आहे. ते म्हणाले की, जगाने आपल्याला युद्धात लढण्यासाठी एकटे सोडले आहे. रशियाच्या हल्ल्यात आमचे १३७ जवान आणि नागरिक ठार झाले आहेत. जखमींची संख्या ३१६च्यावर आहे.
राष्ट्रपती जेलेंस्की पुढे म्हणाले की, या युद्धात रशियाविरुद्ध लढण्यासाठी आम्हाला संपूर्ण जगाने एकटे सोडून दिले. मला तर युक्रेनची मदत करण्यासाठी कोणी दिसत नाहीय. सर्व देश घाबरले आहेत. ज्या नागरिकांनी त्याचे जीव गमावले आहेत ते योध्यापेक्षा कमी नाहीत. ते शौऱ्याने लढले. रशियाची ही मोठी चूक आहे.
जेलेंस्की म्हणाले, रशियाने पहिला दावा केला होता की आम्ही फक्त लष्करी ठिकाणांवर हल्ला करणार. पण रशियाने लष्कर ठिकाणांसह नागरिक वस्तीवर देखील हल्ला चढवलाय. ते लोकांना मारत आहेत. शांत शहरांना लष्करी ठिकाणांमध्ये बदलले जात आहे. हे सर्व चुकीचे आहे आणि कधीच माफ केले जाऊ शकत नाही. ओडेसा द्वीपवर सीमा रक्षकांना मारून टाकण्यात आले आहे. या द्वीपावर रशियाने दाबा घेतलाय. राष्ट्रपती जेलेंस्की यांनी राजधानी कीव्हमध्ये राहणाऱ्या लोकांना अलर्ट राहण्यास सांगितले आहे. इतक नाही तर ते हे देखील म्हणाले की, त्याचे पहिले टार्गेट मी आणि दुसरे माझे कुटुंबीय आहेत.
आमचा देश संकटात आहे आणि सोबत लढण्यासाठी कोण उभे आहे? युक्रेनला नाटोच्या सदस्यांकडून हमी देण्यास कोण तयार आहे. आमचे नागरिक मारले जात आहेत. याच दरम्यान अमेरिकेचे राष्ट्रपती जो बायडेन यांनी या युद्धात युक्रेनला मदत करण्यावरून हातवर केले आहेत. त्यांनी स्पष्टपणे सांगितले की आम्ही युक्रेनमध्ये लष्कर पाठवणार नाही.
