धरणगाव (प्रतिनिधी) गावातील हजारो भाविकांचं श्रद्धास्थान असलेले प्रसिद्ध स्वामी समर्थ मंदिरात अज्ञात चोरट्यांनी चोरी केल्याचा प्रकार नुकताच उघडकीस आला आहे. अज्ञात चोरट्यांनी दानपेटी फोडून अंदाजे ७ हजाराची रोकड लंपास केली आहे.
या संदर्भात विजय महाजन (रा. मोठा माळी वाडा) यांनी पोलिसात फिर्याद दिली आहे. त्यांनी आपल्या तक्रारीत म्हटले आहे की, दि. ४ मार्चच्या रात्री ८.३० ते दि. ५ मार्चच्या रोजीचे सकाळी ७ ७ वाजेच्या दरम्यान अज्ञात चोरटयाने श्री दिंडोरी प्रणीत श्री स्वामी समर्थ केंद्र चिंतामणी मोरया नगर येथील मंदीराच्या गाभाऱ्याचे लोखंडी चॅनल गेटचे कुलूप तोडून गाभाऱ्यात प्रवेश केला. तसेच दानपेटी मंदीराचा आवारात आणून दानपेटी फोडून दानपेटीमधील अंदाजे ७ हजाराची रोख रक्कम चोरुन नेली. याबाबत अज्ञात चोरट्याविरुद्ध गुन्हा दाखल करण्यात आला असून पुढील तपास धरणगावचे पोलीस निरीक्षक उद्धव ढमाले यांच्या मार्गदर्शनाखाली पो.ना. प्रमोद पाटील हे करीत आहेत.
