धरणगाव (प्रतिनिधी) तालुक्यातील पिंप्री शिवारातील शेत गट नं. २८/१, मधील डी.पी.नं. ४२३१४६१ या कोडचा ट्रान्सफार्मर वरील ॲल्युमिनियमचे ११ span तार चोरी झाल्याची घटना उघडकीस आली आहे. याप्रकरणी धरणगाव पोलीस स्थानकात अज्ञात चोरट्याविरुद्ध गुन्हा दाखल करण्यात आला आहे.
यासंदर्भात वरिष्ठ तंत्रज्ञ भूषण भगवान पाटील (वय २९ रा. दत्ता कॉलनी, धरणगाव चौफुली एरंडोल) यांनी दिलेल्या फिर्यादीनुसार, दि. २१ मे २०२२ रोजी ते दि. २२ मे २०२२ रोजी सकाळी ७ वाजेच्या दरम्यान मंगेश रामनारायण मालु यांचे पिंप्री शिवारातील शेत गट नं. २८/१, मधील मालु डी.पी.नं. ४२३१४६१ या कोडचा ट्रान्सफार्मर वरील २३ हजार रुपये किमंतीचे अॅल्युमिनीयमचे ११ Span तार कोणीतरी अज्ञात चोरट्याने चोरी करून घेवून गेला आहे. याप्रकरणी धरणगाव पोलीस स्थानकात अज्ञात चोरट्याविरुद्ध गुन्हा दाखल करण्यात आला असून पुढील तपास पो.ना. जितेंद्र भदाने हे करीत आहेत.
